കാലവര്‍ഷം രണ്ടു മരണം, പാലക്കാട് ഒരാളും തൃശൂരില്‍ വിദ്യാര്‍ഥിയും മരിച്ചു, മുക്കത്ത് മധ്യവയസ്‌കനെ ഒഴുക്കില്‍പെട്ട് കാണാതായി

 

തൃശൂര്‍: കാലവര്‍ഷം കനത്തതോടെ വ്യാപക നാശനഷ്ടങ്ങളും തുടങ്ങി. പാലക്കാട് തെങ്ങ് കടപുഴകി വീണ് ഒരാള്‍ മരിച്ചു. തൃശൂര്‍ അരിപ്പാലത്ത് മീന്‍ പിടിക്കുന്നതിനിടെ തോട്ടില്‍ കാല്‍ വഴുതി വീണ് വിദ്യാര്‍ഥി മരിച്ചു. 
പടിയൂര്‍ സ്വദേശി വെറോണ്‍(20) ആണ് മരിച്ചത്. കോഴിക്കോട് ഇരുവഴഞ്ഞി പുഴയില്‍ ഒഴുക്കില്‍പെട്ട് കാരക്കുറ്റി സ്വദേശി ഹസ്സന്‍ കുട്ടിയെ കാണാതായി.
. പൊലിസും ഫയര്‍ഫോഴ്‌സും തിരച്ചില്‍ നടത്തിയതിനൊടുവിലാണ് മൃതദേഹം കണ്ടെത്തിയത്.

കോഴിക്കോട് ജില്ലയില്‍ ശക്തമായ മഴക്ക് സാധ്യതയുള്ളതിനാല്‍ വെള്ളം കയറുന്ന സ്ഥലങ്ങളില്‍ നിന്നും ഉരുള്‍പൊട്ടല്‍ മുന്നറിയിപ്പ് നിലനില്‍ക്കുന്ന പ്രദേശങ്ങളില്‍ നിന്നും ആളുകളെ സുരക്ഷിത സ്ഥാനത്തേക്ക് മാറ്റാന്‍ വേണ്ട മുന്നൊരുക്കങ്ങള്‍ നടത്താന്‍ ജില്ലാ കലക്ടര്‍ എ. ഗീത തഹസീല്‍ദാര്‍മാര്‍ക്ക് നിര്‍ദേശം നല്‍കിയിട്ടുണ്ട്.