ഉംറ കഴിഞ്ഞ് മടങ്ങുന്നതിനിടെ മലയാളി കുടുംബം സഞ്ചരിച്ച കാർ അപകടത്തിൽപ്പെട്ടു; നിരവധിപേർക്ക് പരിക്ക്

റിയാദ്: മലയാളി ഉംറ സംഘം സഞ്ചരിച്ച വാഹനം റിയാദിൽ വെച്ച് അപകടത്തിൽപ്പെട്ടു. മലപ്പുറം പരപ്പനങ്ങാടി ചെട്ടിപ്പടി സ്വദേശികൾ സഞ്ചരിച്ച വാഹനമാണ് അപകടത്തിൽപ്പെട്ടത്. അപകടത്തിൽ കുട്ടികളുൾപ്പെടെ ആറ് പേർക്ക് പരിക്കേറ്റു. ഇവരെ ആശുപത്രിയിലേക്ക് മാറ്റി. ഇന്നലെ വൈകീട്ട് അൽ ഖൈർ റോഡിലാണ് അപകടം.

ഒരു കുടുംബത്തിലെ അംഗങ്ങൾക്കാണ് അപകടത്തിൽ പരിക്കേറ്റത്. റിയാദിൽ നിന്ന് കാറിൽ ഹോത്ത ബനു തമീമിലേയ്ക്ക് പോവുകയായിരുന്ന എട്ടംഗ സംഘമാണ് അപകടത്തിപ്പെട്ടത്. നാല് മുതിർന്നവരും നാല് കുട്ടികളുമാണ് വാഹനത്തിൽ ഉണ്ടായിരുന്നത്.

അപകടത്തിൽ പരിക്കേറ്റ അഞ്ച് പേരെ അലി ഇബ്ൻ അലി ആശുപത്രിയിലേക്കും ഒരാളെ റിയാദ് ശുമൈസി ആശുപത്രിയിലേക്കും മാറ്റി.