മദ്യപിച്ച് വാഹനമോടിച്ച ആംബുലന്‍സ് ഡ്രൈവര്‍ പിടിയില്‍; പിടികൂടി ലൈസന്‍സ് റദ്ദാക്കി വാഹനവകുപ്പ്

തൃശൂര്‍: പാലിയേക്കരയില്‍ മദ്യപിച്ച് വാഹനമോടിച്ച ആംബുലന്‍സ് ഡ്രൈവറെ മോട്ടോര്‍വാഹനവകുപ്പ് പിടികൂടി. സേഫ് ആന്റ് ഫാസ്റ്റ് ആംബുലന്‍സ് ഡ്രൈവറായ കെ.ടി റെനീഷാണ് പിടിയിലായത്. ഇയാളുടെ ലൈസന്‍സ് റദ്ദാക്കി.

ശനിയാഴ്ച്ച രാത്രി പാലിയേക്കര ട്രോളിന് സമീപം വാഹനപരിശോധനയ്ക്കിടെയാണ് ഇയാള്‍ പിടിയിലായത്. തൃശൂരില്‍ നിന്ന് ചാലക്കുടിയിലേക്ക് പോവുകയായിരുന്നു ആംബുലന്‍സ്. വാഹനപരിശോധന നടത്തുന്നത് കണ്ടതോടെ ഇയാള്‍ ഫഌഷ് ലൈറ്റ് ഓണാക്കി വാഹനത്തിന്റെ വേഗം കൂട്ടുകയായിരുന്നു. ഇതു കണ്ട് സംശയം തോന്നിയാണ് മോട്ടോര്‍ വാഹനവകുപ്പ് ഉദ്യോഗസ്ഥര്‍ വാഹനം നിര്‍ത്തി പരിശോധിച്ചത്.

രോഗി വാഹനത്തിലില്ലെന്ന് കണ്ടതോടെ ഇയാള്‍ മദ്യപിച്ചിട്ടുണ്ടോയെന്ന് പരിശോധിക്കുകയായിരുന്നു. തുടര്‍ന്ന് മദ്യപിച്ചു വാഹനമോടിച്ചതിന് ഇയാളുടെ ലൈസന്‍സ് റദ്ദാക്കാനുള്ള നടപടികള്‍ മോട്ടോര്‍ വാഹന വകുപ്പ് സ്വീകരിച്ചു.

drunk-ambulance-driver-caught-license-suspended