റിയാദ്: സഊദിയിൽ യുദ്ധവിമാനം തകർന്നു വീണ് ജീവനക്കാർ മരിച്ചു. ഖമീസ് മുഷൈത്തിൽ ബുധനാഴ്ച ഉച്ചക്ക് ആണ് സംഭവം. യുദ്ധവിമാനം തകർന്ന് വീണതായി സഊദി പ്രതിരോധ മന്ത്രാലയമാണ് വ്യക്തമാക്കിയത്. കിംഗ് ഖാലിദ് എയർബേസിൽ ഇന്നുച്ചക്ക് 2:28 നാണ് പരിശീലന പറക്കലിനിടയിൽ (F-15SA) യുദ്ധ വിമാനം തകർന്ന് വീണത്.

വിമാനത്തിലെ രണ്ട് ജീവനക്കാർ അപകടത്തിൽ മരിച്ചതായി പ്രതിരോധ മന്ത്രാലയ വക്താവ് അറിയിച്ചു. സംഭവത്തെക്കുറിച്ച് അന്വേഷണം പ്രഖ്യാപിച്ചിട്ടുണ്ട്. രക്തസാക്ഷികളായ ജീവനക്കാർക്കും അവരുടെ കുടുംബത്തിനും വേണ്ടിയും മന്ത്രാലയ വാക്താവ് ബ്രിഗേഡിയർ ജനറൽ അൽ മാലികി പ്രാർഥിച്ചു. സഊദിയുടെ തെക്ക് പടിഞ്ഞാറന്‍ പ്രവിശ്യയിലുള്ള ഖമീസ് മുഷൈത്ത്. അസീര്‍ പ്രവിശ്യയില്‍പെട്ട സ്ഥലമാണ്. സൗദി തലസ്ഥാനമായ റിയാദില്‍നിന്നും 884 കിലോമീറ്റര്‍ ദൂരമുണ്ടിവിടേക്ക്.