തലശ്ശേരി: തലശ്ശേരിക്ക് സമീപം ഇല്ലത്ത്താഴെയില്‍ ശ്രീകൃഷ്ണ ജയന്തി ആഘോഷത്തിന്റെ ഭാഗമായി അലങ്കരിക്കുന്നതിനിടെ ബി.ജെ.പി പ്രവര്‍ത്തകര്‍ക്ക് നേരെ ബോംബെറിഞ്ഞതായി പരാതി. തിങ്കളാഴ്ച അര്‍ധരാത്രിയോടെ കൊടിതോരണങ്ങള്‍ കെട്ടുന്നതിനിടെ ഉക്കണ്ടന്‍പീടികക്ക് സമീപത്ത് നിന്ന് എത്തിയ സി.പി.എം പ്രവര്‍ത്തകര്‍ സ്റ്റീല്‍ ബോംബെറിയുകയായിരുന്നെന്ന് ബി.ജെ.പി ആരോപിച്ചു. സ്ഥലത്തെത്തിയ പൊലിസ് പ്രവര്‍ത്തകരെ അലങ്കരിക്കുന്നതില്‍ നിന്നു തടയുകയാണ് ചെയ്തതെന്ന് ബി.ജെ.പി തലശ്ശേരി മണ്ഡലം പ്രസിഡന്റ് എം.പി സുമേഷ് പറഞ്ഞു.