കനത്ത ചൂടിൽ കുവൈത്ത്; വരും ആഴ്ചയിൽ ചൂട് അതികഠിനം, ഇന്ന് പൊടിക്കാറ്റിന് സാധ്യത

കു​വൈ​ത്ത് സി​റ്റി: കുവൈത്തിൽ കനത്ത ചൂട് തുടരും. ഇന്ന് പകൽ സമയത്ത് താ​പ​നി​ല 46 മു​ത​ൽ 48 ഡി​ഗ്രി വരെയായിരിക്കുമെന്ന് കു​വൈ​ത്ത് കാ​ലാ​വ​സ്ഥ വ​കു​പ്പ് അറിയിച്ചു. നിലവിലെ ചൂട് തന്നെ വരും ആഴ്ചയും തുടരുമെന്നാണ് കണക്കാക്കുന്നത്. ഇന്ന് പൊടിക്കാറ്റിനും സാധ്യതയുണ്ട്.

ഇന്ന് പകൽ വീശാൻ സാധ്യതയുള്ള കാ​റ്റ് പൊ​ടി​പ​ട​ല​ങ്ങ​ൾ​ക്കി​ട​യാ​ക്കു​മെ​ന്ന് കു​വൈ​ത്ത് കാ​ലാ​വ​സ്ഥ വ​കു​പ്പ് മ​റൈ​ൻ പ്ര​വ​ച​ന വി​ഭാ​ഗം മേ​ധാ​വി യാ​സ​ർ അ​ൽ ബ്ലൗ​ഷി പ​റ​ഞ്ഞു. പ്രവചനമനുസരിച്ച്, രാ​ത്രി​യി​ൽ പൊതുവെ ചൂടിന് ശമനമുണ്ടാകും. 32 മുതൽ 35 ഡി​ഗ്രി വ​രെയാകും ഇന്നത്തെ രാതിയിലെ ചൂട്.

വ​രും ആ​ഴ്ച​യും കുവൈത്തിൽ ക​ന​ത്ത ചൂ​ട് തു​ട​രു​മെ​ന്നാണ് കാലാവസ്ഥ വകുപ്പ് അറിയിക്കുന്നത്. ശ​നി​യാ​ഴ്ച പ​ക​ൽ സ​മ​യ​ത്ത് ചൂ​ട് 47 മുതൽ 49 ഡി​ഗ്രി​ വരെയാകും. മി​ർ​സാം സീ​സ​ണി​ന് തു​ട​ക്ക​മാ​കുന്നതോടെ ചൂട് അതിന്റെ പാരമ്യത്തിലെത്തും. താ​പ​നി​ല​ ഏറ്റവും ഉയർന്ന് നിൽക്കുന്ന സമയമാണ് മി​ർ​സാം സീസൺ. ഇത് അവസാനിക്കുന്നതോടെ വേനൽക്കാലത്തിന് വിരാമമാകും.

അതേസമയം, വരും ആഴ്ചയിൽ തീ​ര​പ്ര​ദേ​ശ​ങ്ങ​ൾ താ​ര​ത​മ്യേ​ന ഈ​ർ​പ്പ​മു​ള്ള​താ​യി​രിക്കും, വ​ട​ക്കു​പ​ടി​ഞ്ഞാ​റ​ൻ കാ​റ്റ്, തെ​ക്കു​കി​ഴ​ക്ക​ൻ കാ​റ്റ് എ​ന്നി​വ ശ​ക്തി​പ്രാ​പി​ക്കും. ഇത് ചൂട് കാറ്റായിട്ടാകും എത്തും. കൂട്ടത്തിൽ പൊടിക്കാറ്റായി മാറാനും സാധ്യതയുണ്ട്.