ഡല്‍ഹിയില്‍ വിവാഹാഭ്യര്‍ഥന നിരസിച്ച വിദ്യാര്‍ഥിനിയെ പാര്‍ക്കില്‍വെച്ച് തലയ്ക്കടിച്ച് കൊലപ്പെടുത്തി; പ്രതി പിടിയില്‍

ന്യൂഡല്‍ഹി: ഡല്‍ഹിയില്‍ കോളജ് വിദ്യാര്‍ഥിനിയെ തലക്കടിച്ച് കൊലപ്പെടുത്തി. ഡല്‍ഹിയിലെ മാളവ്യ നഗറിലെ അരബിന്ദോ കോളജിന് സമീപമുള്ള പാര്‍ക്കിലാണ് സംഭവം. കമല നെഹ്‌റു കോളജ് വിദ്യാര്‍ഥിനി നര്‍ഗീസ്(25) നെ സുഹൃത്ത് ഇര്‍ഫാനാണ് കൊലപ്പെടുത്തിയത്. ഇരുമ്പ് ദണ്ഡ് കൊണ്ട് തലക്കടിച്ച് കൊലപ്പെടുത്തുകയായിരുന്നു.

Delhi | We received information that the body of a 25-year-old girl was found near Aurbindo College in South Delhi's Malviya Nagar. An iron rod was found near her body. According to a preliminary investigation, the girl was attacked with a rod. Further investigation is in… pic.twitter.com/eCOeVAd1yi

— ANI (@ANI) July 28, 2023

യുവതിയുടെ തലയില്‍ അടിയേറ്റ് ആഴത്തില്‍ മുറിവേറ്റിട്ടുണ്ട്. രക്തം വാര്‍ന്നൊലിക്കുന്ന നിലയിലാണ് മൃതദേഹം കണ്ടെത്തിയത്.

സംഭവത്തില്‍ സുഹൃത്തായ 28കാരനെ പൊലിസ് അറസ്റ്റ് ചെയ്തു. വിവാഹത്തിന് വിസമ്മതിച്ചതാണ് കൊലപാതകത്തിന് കാരണമെന്നാണ് പൊലിസ് നല്‍കുന്ന സൂചന. പ്രതിയെ ചോദ്യം ചെയ്തുവരികയാണ്.

Student Brutally Killed With Iron Rod Near College In South Delhi