മുംബൈ: ബോംബെ ഐ.ഐ.ടി ഹോസ്റ്റലില്‍ നോണ്‍ വെജിറ്റേറിയന്‍ ഭക്ഷണം കഴിക്കുന്ന വിദ്യാര്‍ഥികളോട് വിവേചനം കാണിക്കുന്നതായി പരാതി. വെജിറ്റേറിയന്‍ ഭക്ഷണം കഴിക്കുന്നവര്‍ മാത്രമേ ഇവിടെ ഇരിക്കാന്‍ പാടുള്ളൂ എന്നെഴുതിയ പോസ്റ്ററുകള്‍ കാന്റീനില്‍ വിവിധ ഭാഗങ്ങളില്‍ പതിച്ചിട്ടുണ്ട്. കാന്റീനില്‍വെച്ച് നോണ്‍ വെജിറ്റേറിയന്‍ ഭക്ഷണം കഴിച്ചതിന് മറ്റു വിദ്യാര്‍ഥികള്‍ അപമാനിച്ചതായി ഒരു വിദ്യാര്‍ഥി പറഞ്ഞു.

കാമ്പസില്‍ ഭക്ഷണത്തിന്റെ പേരില്‍ യാതൊരു വേര്‍തിരിവുമില്ലെന്നാണ് മൂന്നു മാസം വിവരാവകാശ നിയമപ്രകാരം നല്‍കിയ അപേക്ഷക്ക് ലഭിച്ച മറുപടിയില്‍ പറയുന്നത്. അതേസമയം വിദ്യാര്‍ഥികളുടെ ഭക്ഷണത്തിന്റെ തെരഞ്ഞെടുപ്പിന്റെ അടിസ്ഥാനത്തില്‍ സീറ്റിങ് അറേഞ്ച്‌മെന്റ് നിലവിലുണ്ടെന്നും മറുപടിയില്‍ പറഞ്ഞിരുന്നു.

Even though RTIs and mails for hostel GSec shows that there is no institute policy for food segregation, some individuals have taken it upon themselves to designate certain mess areas as "Vegetarians Only" and forcing other students to leave that area.#casteism #Discrimination pic.twitter.com/uFlB4FnHqi

— APPSC IIT Bombay (@AppscIITb) July 29, 2023

കാമ്പസില്‍ അങ്ങനെയൊരു വേര്‍തിരിവില്ലെന്ന് വ്യക്തമായിരിക്കെ ഒരുവിഭാഗം വിദ്യാര്‍ഥികള്‍ മനപ്പൂര്‍വം വിഭാഗീയത സൃഷ്ടിക്കുകയാണെന്ന് അംബേദ്കര്‍ പെരിയാര്‍ ഫുലെ സ്റ്റഡി സര്‍ക്കിള്‍ (എ.പി.പി.എസ്.സി) ട്വീറ്റ് ചെയ്തു. കാന്റീനില്‍ പതിച്ച പോസ്റ്ററുകള്‍ എ.പി.പി.എസ്.സി നീക്കം ചെയ്തിട്ടുണ്ട്.

Content Highlights:students complain food discrimination at bombay IIT