സമകാലിക ഫുട്‌ബോള്‍ ചരിത്രത്തിലെ ഏറ്റവും മികച്ച ഫുട്‌ബോള്‍ താരങ്ങളിലൊരാളാണ് ലയണല്‍ മെസി. അര്‍ജന്റൈന്‍ ഇതിഹാസമായ താരത്തിന് ഇക്കഴിഞ്ഞ ഖത്തര്‍ ലോകകപ്പില്‍ കിരീടം കൂടി സ്വന്തമാക്കാന്‍ സാധിച്ചതോടെ ലോക ഫുട്‌ബോളിലെ പ്രധാനപ്പെട്ട നേട്ടങ്ങളിലെല്ലാം സ്വന്തം പേര് എഴുതിച്ചേര്‍ക്കാന്‍ സാധിച്ചു.
താനുമായി മൈതാനം പങ്കിട്ടതില്‍ തനിക്ക് ഏറ്റവും പ്രിയപ്പെട്ട പത്ത് താരങ്ങളെ വെളിപ്പെടുത്തിയിരിക്കുകയാണ് മെസി.ടൈറ്റന്‍ സ്‌പോര്‍ട്ട്‌സിന് നല്‍കിയ അഭിമുഖത്തിലാണ് തനിക്ക് ഇഷ്ടപ്പെട്ട പത്ത് താരങ്ങളെക്കുറിച്ച് മെസി വെളുപ്പെടുത്തിയത്.

'ബാഴ്‌സയില്‍ ദീര്‍ഘകാലം കളിക്കാന്‍ സാധിച്ചു എന്നത് വലിയ ഭാഗ്യമായിട്ടാണ് ഞാന്‍ കരുതുന്നത്. അവിടെ ഒരുപിടി മികച്ച കളിക്കാര്‍ക്കൊപ്പം മൈതാനം പങ്കിടാന്‍ എനിക്ക് സാധിച്ചിട്ടുണ്ട്. റൊണാള്‍ഡീഞ്യോ, ഡീക്കോ, ഏറ്റൂ, സുവാരസ്,സാവി,ഇനിയേസ്റ്റ,ബുസ്‌ക്കറ്റ്‌സ് എന്നിവര്‍ അവരില്‍ ചിലരാണ്. അവരുമായി മൈതാനം പങ്കിടാന്‍ സാധിച്ചതില്‍ ഞാന്‍ വളരെ സന്തോഷവാനാണ്,' മെസി പറഞ്ഞു.

'ഇനിയും ചില പ്ലെയേഴ്‌സിനെക്കുറിച്ച് പറയാന്‍ ഞാന്‍ വിട്ട് പോയിരിക്കാം. ലോകത്തിലെ ഏറ്റവും മികച്ച സ്‌ട്രൈക്കര്‍മാര്‍ക്കൊപ്പവും ഞാന്‍ കളിച്ചിട്ടുണ്ട്. നെയ്മര്‍, സ്ലാട്ടന്‍, ഡേവിഡ് വിയ്യ എന്നിവര്‍ അവരില്‍ ചിലരാണ്,' അദേഹം കൂട്ടിച്ചേര്‍ത്തു.
അതേസമയം ബാഴ്‌സയില്‍ ഒന്നിച്ച് കളിച്ചിരുന്ന മെസിയും ബുസ്‌ക്കറ്റ്‌സും ഇന്റര്‍ മയാമിയില്‍ വീണ്ടും സഹകളിക്കാരായി എത്തിയിട്ടുണ്ട്. എം.എല്‍.എസിലെ മയാമിയുടെ തുടര്‍ തോല്‍വികള്‍ക്ക് അന്ത്യം കുറിക്കാന്‍ മെസിക്കായതില്‍ ആഹ്ലാദിക്കുകയാണ് മയാമി ആരാധകര്‍.

Content Highlights:lionel messi names 10 favorite teammates