എൻ.ആർ.ഐ സർട്ടിഫിക്കറ്റിനായി എങ്ങിനെ അപേക്ഷിക്കാം? എന്തിനാണ് ഈ സർട്ടിഫിക്കറ്റ്?

ദുബൈ: വിദേശത്ത് താമസിക്കുന്ന ഓരോ ഇന്ത്യൻ പൗരന്മാർക്കും പല ആവശ്യങ്ങൾക്കുമായി വേണ്ടി വരുന്ന ഒന്നാണ് എൻ.ആർ.ഐ സർട്ടിഫിക്കറ്റ്. ഒരു പ്രവാസി ഇന്ത്യക്കാരനാണെങ്കിൽ (എൻ.ആർ.ഐ) ഉന്നത വിദ്യഭ്യാസം നേടുന്നതിന് ഉൾപ്പെടെ പല ആവശ്യങ്ങൾക്കും ഇത്തരം എൻ.ആർ.ഐ സർട്ടിഫിക്കറ്റ് ആവശ്യമാണ്. ‘എൻ.ആർ.ഐ ക്വാട്ട’ വഴിയാണ് പഠനത്തിന് ആഗ്രഹിക്കുന്നതെങ്കിൽ ഈ സർട്ടിഫിക്കറ്റ് നിർബന്ധമാണ്.

നിങ്ങൾ യുഎഇയിൽ താമസിക്കുന്നവരാണെങ്കിൽ, ഇന്ത്യൻ പാസ്‌പോർട്ട് ഉടമകൾക്ക് വിദ്യാഭ്യാസ ആവശ്യങ്ങൾക്കായി നൽകുന്ന ഈ സർട്ടിഫിക്കറ്റ് എങ്ങിനെ ലഭിക്കുമെന്ന് നിങ്ങൾ അറിയേണ്ടതുണ്ട്.

എന്താണ് ഒരു എൻ.ആർ.ഐ (NRI) സർട്ടിഫിക്കറ്റ്?

എൻ.ആർ.ഐ ക്വാട്ട വഴിയുള്ള ഇന്ത്യൻ സർവ്വകലാശാലകളിലെ പ്രവേശനത്തിന്, രാജ്യത്തെ ചില കോളേജുകളിലും ഉന്നത വിദ്യാഭ്യാസ സ്ഥാപനങ്ങളിലും നിർബന്ധമായ ഒന്നാണ് എൻ.ആർ.ഐ സർട്ടിഫിക്കറ്റ്. മെഡിക്കൽ ഉൾപ്പെടെയുള്ള പല കോഴ്‌സുകൾക്കും എൻ.ആർ.ഐ ക്വാട്ട തന്നെ സംവരണം ചെയ്തിട്ടുണ്ട്. അതിനാൽ ഇതുവഴി അപേക്ഷിക്കുന്നവർക്ക് സീറ്റ് സാധ്യത കൂടുതലാണ്.

കോൺസുലേറ്റ് ജനറൽ ഓഫ് ഇന്ത്യയുടെ (CGI) ഔദ്യോഗിക ഔട്ട്‌സോഴ്‌സിംഗ് സേവന ദാതാവായ ബി.എൽ.എസ് ഇന്റർനാഷണൽ സർവീസസ് യുഎഇ പ്രകാരം, എൻ.ആർ.ഐ സർട്ടിഫിക്കറ്റ് ഒരു വർഷത്തിൽ ആറ് മാസത്തിലധികം യുഎഇക്ക് പുറത്ത് താമസിക്കാത്തവർക്കും മറ്റു രാജ്യത്തിന്റെ പൗരത്വം നേടാത്തവർക്കും മാത്രമേ ലഭിക്കൂ.

യുഎഇയിൽ എൻ.ആർ.ഐ സർട്ടിഫിക്കറ്റിന് ഞാൻ എങ്ങനെയാണ് അപേക്ഷിക്കേണ്ടത്?

ഘട്ടം 1: ഒരു ബി.എൽ.എസ് കേന്ദ്രം സന്ദർശിച്ച് EAP II ഫോം ആവശ്യപ്പെടുക

സർട്ടിഫിക്കറ്റിനായി അപേക്ഷിക്കുന്നതിന്, നിങ്ങൾ ഏതെങ്കിലും ബി.എൽ.എസ് സേവന കേന്ദ്രങ്ങളിൽ നേരിട്ടെത്തണം. നിങ്ങൾ കേന്ദ്രത്തിൽ എത്തിക്കഴിഞ്ഞാൽ, സൗജന്യമായി ലഭിക്കുന്ന EAP II ഫോം (ഇന്ത്യൻ പാസ്‌പോർട്ടിലെ വിവിധ സേവനങ്ങൾക്കുള്ള അപേക്ഷാ ഫോം) ആവശ്യപ്പെടുക.

ഘട്ടം 2: ആവശ്യമായ രേഖകൾ നൽകുക

അടുത്തതായി, ആവശ്യമായ രേഖകൾ, ഫോമിനൊപ്പം നൽകുക:

• വെള്ള പശ്ചാത്തലമുള്ള രണ്ട് പാസ്‌പോർട്ട് വലുപ്പത്തിലുള്ള ഫോട്ടോകൾ.
• ഒറിജിനൽ പാസ്‌പോർട്ട് - കുറഞ്ഞത് ആറ് മാസത്തേക്ക് സാധുതയുള്ളത്
• പ്രായപൂർത്തിയാകാത്തവർക്ക് (18 വയസ്സിന് താഴെയുള്ളവർ) - മാതാപിതാക്കളുടെ പാസ്പോർട്ട് പകർപ്പുകൾ.
• യുഎഇയിലെ നിങ്ങളുടെ താമസം തെളിയിക്കുന്നതിനുള്ള ഏതെങ്കിലും തരത്തിലുള്ള തിരിച്ചറിയൽ രേഖ - സാധുവായ എമിറേറ്റ്സ് ഐ.ഡി അല്ലെങ്കിൽ യുഎഇ ഡ്രൈവിംഗ് ലൈസൻസ്.
• മുൻ സാമ്പത്തിക വർഷത്തിൽ, അതായത് 2023 ഏപ്രിൽ 1 മുതൽ മാർച്ച് 31 വരെ, അപേക്ഷകൻ 182 ദിവസത്തിൽ കൂടുതൽ ഇന്ത്യയിൽ താമസിച്ചിട്ടില്ലെന്ന് വ്യക്തമാക്കുന്ന ഒരു അഫിഡവിറ്റ്.

ഫിസിക്കൽ ഐഡന്റിറ്റി സ്ഥാപിക്കാൻ അപേക്ഷകൻ ഹാജരാകണം, അതായത്, അപേക്ഷിക്കുന്ന സമയത്ത് നിങ്ങൾ കേന്ദ്രത്തിൽ ഉണ്ടായിരിക്കണം.

അപേക്ഷകന്റെ റസിഡൻസി വിസയ്ക്ക് കുറഞ്ഞത് രണ്ട് വർഷമെങ്കിലും സാധുത ഉണ്ടായിരിക്കണം എന്നത് ശ്രദ്ധിക്കേണ്ടതാണ്.

നിങ്ങൾ ഒരു അബുദാബി നിവാസിയാണെങ്കിൽ, ഒരു കോൺസുലർ ഓഫീസറുടെ സാന്നിധ്യത്തിൽ അപേക്ഷകൻ ഒപ്പിട്ട ഐ.വി.എസ് ഗ്ലോബൽ നൽകുന്ന സത്യവാങ്മൂലത്തിനും നിങ്ങൾ അപേക്ഷിക്കേണ്ടതുണ്ട്. അബുദാബി നിവാസി എന്ന നിലയിൽ നിങ്ങൾ അവരുടെ സ്പോൺസർഷിപ്പിന് കീഴിലാണെന്ന് പ്രസ്താവിക്കുന്ന സത്യവാങ്മൂലം നിങ്ങളുടെ സ്പോൺസർ നൽകും.

ഘട്ടം 3: ഫീസ് അടയ്ക്കുക

സേവന ഫീസ് - 95 ദിർഹം
BLS-ൽ നിന്നുള്ള സേവന നിരക്ക് - 9 ദിർഹം

കൊറിയർ ഫീസ് (ഓപ്ഷണൽ)

• നിങ്ങൾ പ്രീമിയം ബി.എൽ.എസ് ലോഞ്ചുകൾ ഉപയോഗിച്ചിട്ടുണ്ടെങ്കിൽ - 490 ദിർഹം (നിങ്ങൾക്ക് BLS പ്രീമിയം ലോഞ്ച് വഴി സേവനത്തിന് അപേക്ഷിക്കണമെങ്കിൽ, www.blsindiavisa-uae.com എന്ന വെബ്സൈറ്റ് വഴി ആദ്യം ഓൺലൈനായി ഒരു അപ്പോയിന്റ്മെന്റ് ബുക്ക് ചെയ്യണം)
• നിങ്ങൾ ഒരു സാധാരണ ബി.എൽ.എസ് കേന്ദ്രം വഴി അപേക്ഷിച്ചാൽ - 250 ദിർഹം

പ്രക്രിയ സമയം

ബി.എൽ.എസ് അനുസരിച്ച്, അഞ്ച് പ്രവൃത്തി ദിവസത്തിനുള്ളിൽ സർട്ടിഫിക്കറ്റ് നൽകും. എന്നിരുന്നാലും, പ്രോസസ്സിംഗ് സമയം ദുബൈയിലെ ഇന്ത്യൻ കോൺസുലേറ്റിന്റെ (സി.ജി.ഐ) വിവേചനാധികാരത്തിലാണ് എന്നത് ശ്രദ്ധിക്കേണ്ടതാണ്. പ്രക്രിയ പൂർത്തിയാകുമ്പോൾ എസ്.എം.എസ് വഴി നിങ്ങളെ അറിയിക്കും.

അപേക്ഷ സമയത്ത് നിങ്ങളുടെ പാസ്‌പോർട്ട് വാങ്ങിവെക്കും. എൻ.ആർ.ഐ സർട്ടിഫിക്കറ്റ് നൽകുന്ന സമയത്ത് നിങ്ങളുടെ പാസ്പോർട്ട് നിങ്ങൾക്ക് തിരികെ നൽകും. നിങ്ങൾക്ക് ബി.എൽ.എസ് സെന്ററിൽ നിന്ന് സർട്ടിഫിക്കറ്റും പാസ്‌പോർട്ടും ശേഖരിക്കാം അല്ലെങ്കിൽ അത് നിങ്ങളുടെ വീട്ടിലേക്ക് ഡെലിവർ ചെയ്യാവുന്നതാണ്, അതിന് നിങ്ങൾ പ്രത്യേകം പണം നൽകേണ്ടതുണ്ട്.