പയ്യോളി: ശ്രീനാരായണ ഗുരുവിന്റെ 'നമുക്ക് ജാതിയില്ല' എന്ന പ്രഖ്യാപനത്തിന്റെ നൂറാം വാര്‍ഷികാചരണത്തിന്റെ ഭാഗമായി ഗ്രന്ഥശാല സംഘം പയ്യോളി നഗരസഭാ നേതൃസമിതിയുടെ ആഭിമുഖ്യത്തില്‍ സാംസ്‌കാരിക സംഗമം സംഘടിപ്പിച്ചു. നഗരസഭാ ചെയര്‍പേഴ്‌സന്‍ അഡ്വ. പി. കുത്സു ഉദ്ഘാടനം ചെയ്തു. മികച്ച ഗ്രന്ഥശാല പ്രവര്‍ത്തകനുള്ള പി.എന്‍ പണിക്കര്‍ സ്മാരക അവാര്‍ഡ് ജേതാവ് വി.കെ ബാലന്‍ മാസ്റ്ററെയും അഖില കേരള ഹൈസ്‌കൂള്‍തല വായനാമത്സരത്തിലെ വിജയികളെയും ആദരിച്ചു.
നേതൃസമിതി ചെയര്‍മാന്‍ പി.എം അശ്‌റഫ് അധ്യക്ഷനായി. മടപ്പള്ളി ഗവ. കോളജ് മലയാള വിഭാഗം പ്രൊഫ. രാജേന്ദ്രന്‍ എടത്തുംകര മുഖ്യപ്രഭാഷണം നടത്തി. സി. കുഞ്ഞമ്മദ്, വി.കെ ബാലന്‍ മാസ്റ്റര്‍, പി. വേണു, കെ.വി ചന്ദ്രന്‍, സി. ഷാഹുല്‍ ഹമീദ്, കെ.വി രാജന്‍, കെ. ജയകൃഷ്ണന്‍, മൂലയില്‍ രവി സംസാരിച്ചു.