തിരുവനന്തപുരം: സംസ്ഥാനത്ത് രണ്ടിടങ്ങളില്‍ വള്ളം മറിഞ്ഞ് അപകടം. തിരുവനന്തപുരം വര്‍ക്കലയിലും ആലപ്പുഴ ചെട്ടിക്കാടുമാണ് അപകടം ഉണ്ടായത്. ചെട്ടിക്കാട് തീരക്കടലില്‍ പൊന്തു വള്ളത്തില്‍ മീന്‍ പിടിക്കാന്‍ പോയ ജലാസിയോസ് ജോസഫ് ആണ് കടലില്‍ മുങ്ങി മരിച്ചത്. കടലില്‍ വീണ ജോസഫിനെ മത്സ്യതൊഴിലാളികള്‍ ചേര്‍ന്ന് കരയിലെത്തിച്ചെങ്കിലും ജീവന്‍ രഷിക്കാനായില്ല.

തിരുവനന്തപുരം വര്‍ക്കലയില്‍ താഴെ വെട്ടൂരില്‍ വള്ളം മറിഞ്ഞുണ്ടായ അപകടത്തില്‍ മൂന്ന്‌പേര്‍ക്ക് പരിക്കേറ്റു. മാഹിന്‍(60),ഷാഹിദ്(35),ഇസ്മായില്‍(45) എന്നിവരാണ് തിരുവന്തപുരം മെഡിക്കല്‍ കോളേജ് ആശുപത്രിയില്‍ ഗുരുതരാവസ്ഥയില്‍ തുടരുന്നത്.
കടലാക്രമണവും ശക്തമായ തിരയുമുള്ളതിനാല്‍ കടലില്‍ പോകരുതെന്ന് കഴിഞ്ഞ ദിവസങ്ങളിലെല്ലാം മത്സ്യത്തൊഴിലാളികള്‍ക്ക് നിര്‍ദ്ദേശമുണ്ടായിരുന്നു.