മലപ്പുറം: ഒരു രാജ്യത്തിന്റെയും നിലവാരം അവിടെയുള്ള അധ്യാപകരുടെ നിലവാരത്തേക്കാള്‍ ഉയരില്ലെന്നു കാലിക്കറ്റ് സര്‍വകലാശാല വൈസ് ചാന്‍സിലര്‍ ഡോ. കെ മുഹമ്മദ് ബഷീര്‍ പ്രസ്താവിച്ചു. കേരള പ്രൈവറ്റ് കോളജ് ടീച്ചേഴ്‌സ് അസോസിയേഷന്‍ (കെപിസിടിഎ) മലപ്പുറം ജില്ലാ കണ്‍വെന്‍ഷനോടനുബന്ധിച്ചു സംഘടിപ്പിച്ച അക്കാഡമിക് സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. വിദ്യാഭ്യാസ മേഖലയുടെ ഗുണനിലവാരം ഉയര്‍ത്തുന്നതിനുവേണ്ടിയാണ് അധ്യാപക സംഘടനകള്‍ മത്സരിക്കേണ്ടതെന്നും അദ്ദേഹം അഭിപ്രായപ്പെട്ടു. കാലിക്കറ്റ് യൂനിവേഴ്‌സിറ്റി സിന്‍ഡിക്കേറ്റ് അംഗം ഡോ. കെ എം നസീര്‍ മുഖ്യപ്രഭാഷണം നടത്തി. കണ്‍വെന്‍ഷന്‍ സംസ്ഥാന പ്രസിഡന്റ് ഡോ. ജി. ജയകൃഷ്ണന്‍ ഉദ്ഘാടനം ചെയ്തു. ജില്ലാ പ്രസിഡന്റ് പ്രൊഫ. മുഹമ്മദ് നജീബ് അധ്യക്ഷനായിരുന്നു. ജില്ലാ സെക്രട്ടറി ഡോ. മുഹമ്മദ് അസ്‌ലം, ഡോ. ജോബി തോമസ്, പ്രൊഫ. അഷറഫ്, ഡോ. ഉമ്മര്‍ ഫാറൂഖ്, ഡോ. മുഹമ്മദാലി, ഡോ. അബ്ദുല്‍ ഹമീദ്, പ്രൊഫ. പ്രശാന്ത്, പ്രൊഫ. മുസ്തഫ, പ്രൊഫ. സുല്‍ഫി, പ്രൊഫ. തൗഫീഖ് റഹ്മാന്‍, പ്രൊഫ. സന്തോഷ് കുമാര്‍ എന്നിവര്‍ പ്രസംഗിച്ചു.