മാവേലിക്കര: ബൈക്കില്‍ കാറിടിച്ച് യുവാക്കള്‍ മരിച്ചു. പല്ലാരിമംഗലം സോപാനത്തില്‍ സോമരാജന്റെ മകന്‍ ജിതിന്‍ രാജ് (സുധി32), സഹോദരിയുടെ ഭര്‍ത്താവ് ഓലകെട്ടിയമ്പലം പൊന്നേഴ മുകേഷ് ഭവനത്തില്‍ മുരളിയുടെ മകന്‍ മുകേഷ് മുരളി (34) എന്നിവരാണ് മരിച്ചത്.

കായംകുളം ഭാഗത്ത് നിന്ന് പല്ലാരിമംഗലത്തേക്ക് വരികയായിരുന്നു. വാഹനത്തെ മറികടക്കുമ്പോള്‍ ഇവര്‍ സഞ്ചരിച്ചിരുന്ന ബൈക്കില്‍ കാര്‍ ഇടിക്കുകയായിരുന്നു. രാത്രി 8 മണിയോടെ ഓലകെട്ടിയമ്പലം നിര്‍മ്മാല്യം ഓഡിറ്റോറിയത്തിന് സമീപത്ത് വെച്ചായിരുന്നു അപകടം. സുധിയുടെ മാതാവ് സുഷമ കുമാരി. മുകേഷിന്റെ ഭാര്യ ജിജി രാജ്. മൃതദേഹം കായംകുളം ഗവ.ആശുപത്രി മോര്‍ച്ചറിയില്‍.