തൃശ്ശൂര്‍: ചാലക്കുടി വെട്ടുക്കടവില്‍ എഴുപത്തിമൂന്നുകാരിയുടെ മാലപൊട്ടിച്ച കൊച്ചുമകന്‍ അറസ്റ്റില്‍. ചാലക്കുടി അന്നനാട് സ്വദേശി ബെസ്റ്റിന്‍(26) ആണ് അറസ്റ്റിലായത്. കാമുകിയെ വിവാഹം കഴിക്കാനുള്ള ചെലവിന് പണം കണ്ടെത്താനായിരുന്നു ഇയാള്‍ സ്വന്തം മുത്തശ്ശിയുടെ മാലപൊട്ടിച്ചത്.

കഴിഞ്ഞ ശനിയാഴ്ചയായിരുന്നു സംഭവം. വെട്ടുകടവില്‍ തനിച്ച് താമസിച്ചിരുന്ന മുത്തശ്ശിയുടെ വീട്ടില്‍ മുഖം മൂടി ധരിച്ചെത്തിയ ബെസ്റ്റിന്‍ മാല കവരുകയായിരുന്നു.വൃദ്ധ തനിച്ചായിരുന്നു വീട്ടില്‍ താമസം. അങ്കമാലിയിലെ ഒരു കടയില്‍ ബെസ്റ്റിന്‍ മാല വിറ്റു. ഇത് പിന്നീട് പൊലീസ് കണ്ടെടുത്തു.