കാഞ്ഞാര്‍(ഇടുക്കി): തൊടുപുഴക്ക് സമീപം കുടയത്തൂരിലെ ഉരുള്‍ പൊട്ടലില്‍ കാണാതായ അഞ്ചു പേരുടേയും മൃതദേഹങ്ങള്‍ കണ്ടെത്തി. ചിറ്റടിചാലില്‍ സോമന്‍, സോമന്റെ അമ്മ തങ്കമ്മ,സോമന്റെ ഭാര്യ ഷിജി, മകള്‍ ഷിമ , സോമന്റെ കൊച്ചുമകന്‍ ദേവാനന്ദ് (4) എന്നിവരുടെ മൃതദേഹങ്ങളാണ് കണ്ടെത്തിയത്.

സംഗമം മാളിയേക്കല്‍ കോളനിക്ക് മുകളില്‍ നിന്നുണ്ടായഉരുള്‍ പൊട്ടലില്‍ സോമന്റെ വീട് പൂര്‍ണമായും ഒലിച്ചു പോയിരുന്നു. വീടിന്റെ അടിത്തറ മാത്രമാണ് ഇവിടെ അവശേഷിക്കുന്നത്. കുടുംബം ഉറങ്ങിക്കിടക്കുമ്പോഴാണ് പുലര്‍ച്ചെ അപകടമുണ്ടായത്. രാത്രി ഇവിടെ തുടര്‍ച്ചയായി മഴ പെയ്തിരുന്നു.

പത്തനംതിട്ട ജില്ലയിലും ശക്തമായ മഴയാണ്. മലയോരപ്രദേശങ്ങള്‍ പൂര്‍ണമായും വെള്ളത്തിനടിയിലാണ്. ചുങ്കപ്പാറ ടൗണില്‍ വെള്ളം കയറി. കോ
ട്ടയത്തും മഴ ശക്തമാണ്.