തിരുവനന്തപുരം: സംസ്ഥാനത്ത്13 ജില്ലകളില്‍ കനത്ത മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. തിരുവനന്തപുരം ഒഴികെയുള്ള ജില്ലകളിലാണ് മഴക്ക് സാധ്യത. മൂന്ന് ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. പത്തനംതിട്ട,കോട്ടയം,ഇടുക്കി ജില്ലകളിലാണ് ഓറഞ്ച് അലര്‍ട്ട്. തിരുവനന്തപുരം ഒഴികെ മറ്റെല്ലാ ജില്ലകളിലും യെല്ലോ അലര്‍ട്ടും പ്രഖ്യാപിച്ചു.

കാസര്‍ക്കോടും ലക്ഷദ്വീപും ഉള്‍പ്പെടെയുള്ളയിടങ്ങളില്‍ ബുധനാഴ്ച്ചയും മലപ്പുറം,വയനാട് ഒഴികെയുള്ള ജില്ലകളില്‍ വ്യാഴാഴ്ച്ചയും ശക്തമായ മഴക്ക് സാധ്യതയുണ്ട്. മഴക്കും കാറ്റിനും സാധ്യതയുള്ള പ്രദേശങ്ങളില്‍ ജാഗ്രത പാലിക്കാന്‍ കാലവസ്ഥ വകുപ്പ് നിര്‍ദ്ദേശിച്ചു.