ലക്‌നോ: ഉത്തര്‍പ്രദേശിലെ മഹുന്‍ഗാബുറിനു സമീപം ബസ്സിനു പിന്നില്‍ ട്രക്കിടിച്ച് നാല് പേര്‍ മരിച്ചു. 24 പേര്‍ക്ക് പരിക്കേറ്റു. നേപ്പാളില്‍ നിന്നുള്ള കുടിയേറ്റ തൊഴിലാളികളുമായി ഗോവയിലേക്കു പുറപ്പെട്ട ഡബിള്‍ ഡെക്കര്‍ ബസ്സാണ് അപകടത്തില്‍ പെട്ടത്. ബസ്സിന്റെ ടയര്‍ പഞ്ചറായതിനെ തുടര്‍ന്ന് റോഡരികില്‍ നിര്‍ത്തിയിട്ട് ടയര്‍ മാറ്റുന്നതിനിടെയാണ് ട്രക്ക് ബസ്സിനു പിന്നിലിടിച്ചത്. 60 പേരാണ് വാഹനത്തിലുണ്ടായിരുന്നത്.