മലപ്പുറം: ഗ്ലോബല്‍ മീഡിയ സെലിബ്രിറ്റി ഡോ. മൊഹമ്മദ് ഖാന് ജന്മനാടായ പെരുവള്ളൂരിന്റെ ആദരം. 2022ലെ ഭാരതരത്‌ന ഡോ. എപിജെ അബ്ദുല്‍ കലാം പുരസ്‌കാരം നേടിയതിനു പിന്നാലെ നാട്ടിലെത്തിയ അദ്ദേഹത്തെ യുഎഇയിലെ ടെലാല്‍ ഗ്രൂപ്പ് ചെയര്‍മാന്‍ സലാം ചൊക്ലി ഹജ്ജ് കമ്മിറ്റിയിലേക്കുള്ള ഇന്ത്യാ ഗവണ്‍മെന്റ് പ്രതിനിധി ഡോ. ജാബിര്‍ ഹുദവി തുടങ്ങിയ പ്രമുഖരുടെ സാന്നിധ്യത്തിലാണ് ആദരിച്ചത്.

അബ്ദുസ്സമദ് സമദാനി എം.പി, ശ്രീ ഹമീദ് മാസ്റ്റര്‍ എം.എല്‍.എ, പഞ്ചായത്ത് പ്രസിഡന്റ് ശ്രീ അബ്ദുള്‍ കലാം മാസ്റ്റര്‍, ആലിപ്പറ്റ ജമീല എന്നിവരില്‍ നിന്ന് പ്രശംസയും സര്‍ട്ടിഫിക്കറ്റും ഏറ്റുവാങ്ങുവാന്‍ സാധിച്ചത് അഭിമാനവും പ്രചോദനവുമാണെന്ന് ഡോ. ഖാന്‍ പറഞ്ഞു.

ഒളിമ്പിക് മീഡിയ ഗോള്‍ഡ് മെഡല്‍, യുഎഇ ഗവണ്‍മെന്റ് റോയല്‍ അപ്രീസിയേഷന്‍, പ്രവാസി രത്‌ന അവാര്‍ഡ്, 'ഭാരത് മഹാന്‍' അവാര്‍ഡ് തുടങ്ങി നിരവധി ആഗോള പുരസ്‌കാരങ്ങളും അംഗീകാരങ്ങളും കഴിഞ്ഞ രണ്ട് പതിറ്റാണ്ടിനിടയില്‍ തനിക്കു ലഭിച്ചിട്ടുണ്ടങ്കിലും തനിക്കു ഏറ്റവും അഭിമാനകരമായ നിമിഷങ്ങള്‍ ഇതാണെന്നും ചടങ്ങില്‍ വച്ചു ഡോ.. ഖാന്‍ പറഞ്ഞു. ഇപ്പോള്‍ തന്റെ ഗ്രാമത്തിലെ സ്വന്തം ആളുകളില്‍ നിന്ന് ലഭിച്ച ഈ അംഗീകാരം എന്നെ വലിയ സന്തോഷത്തിന്റെയും അഭിമാനത്തിന്റെയും കൊടുമുടിയിലെത്തിച്ചിരിക്കുന്നു, അദ്ദേഹം കൂട്ടി ചേര്‍ത്തു.

കോഴിക്കോട് എയര്‍പോര്‍ട്ടിന് സമീപം പെരുവള്ളൂര്‍ സോഫിയ ലോഞ്ചില്‍ നടന്ന ചടങ്ങില്‍ ഗ്രാമവാസികളും ബിസിനസ് വിദ്യാര്‍ത്ഥികളുമടക്കം ആയിരക്കണക്കിന് ആളുകള്‍ പങ്കെടുത്തു