ആലപ്പുഴ; ആലപ്പുഴ മെഡിക്കല്‍ കോളേജ് ആശുപത്രിക്കുള്ളിലും രൂക്ഷമായി തെരുവുനായശല്യം. ഐ.സി.യു വിനു മുന്‍പിലും മറ്റുമായി നായ കയറി ഇറങ്ങുന്നതിന്റെ സി.സി.ടി.വി ദൃശ്യങ്ങള്‍ പുറത്ത്. പകല്‍ സമയത്തു പോലും ആശുപത്രിക്കുള്ളിലൂടെ തെരുവുനായകള്‍ സ്വതന്ത്രമായി നടക്കുകയാണെന്ന് രോഗികളും കൂട്ടിരിപ്പുകാരും പറയുന്നു.

തെരുവുനായ ശല്യം രൂക്ഷമായതിനെ തുടര്‍ന്ന് കഴിഞ്ഞ വര്‍ഷം നഗരസഭ ഇടപെട്ട് 40 ലക്ഷം രൂപയോളം ചിലവഴിച്ച് വന്ധ്യംകരണപദ്ധതി നടപ്പാക്കാന്‍ തീരുമാനിച്ചിരുന്നു. എന്നാല്‍ 25 ലക്ഷം രൂപയോളം മുടക്കിയ പദ്ധതി ചില പ്രകൃതി സ്‌നേഹികളുടെ ഇടപെടല്‍ മൂലം നിര്‍ത്തിവെക്കേണ്ടി വരുകയായിരുന്നുവെന്ന് ആലപ്പുഴ മുന്‍സിപ്പല്‍ ചെയര്‍പേഴ്‌സണ്‍ സൗമ്യ രാജ് പ്രതികരിച്ചു.