ദുബൈ: കിറ്റെക്‌സ് കമ്പനി കേരളം വിട്ടുപോകരുതെന്ന് ആഗ്രഹിക്കുന്നതായി വ്യവസായി എം.എ യൂസഫലി. 3,500 കോടിയുടെ നിക്ഷേപമായാലും ഒരു കോടിയുടേതായാലും അത് കേരളത്തിനു വലുതാണ്. വ്യവസായ സംരംഭങ്ങള്‍ സംസ്ഥാനം വിടുന്നത് തെറ്റായ സന്ദേശം നല്‍കുമെന്നും അദ്ദേഹം പറഞ്ഞു.
കിറ്റെക്‌സ് എം.ഡി സാബു ജേക്കബുമായി സംസാരിക്കും. കൊവിഡ് മൂലം മരിച്ച പ്രവാസികളുടെ കുടുംബത്തിന് സാമ്പത്തിക സഹായം ഉറപ്പാക്കാന്‍ നോര്‍ക്കയുമായി ചര്‍ച്ച നടത്തും. ഗള്‍ഫ് രാജ്യങ്ങളില്‍ കൊവിഡ് ബാധിച്ച് മരിച്ച പ്രവാസികളുടെ പേരും സര്‍ക്കാരിന്റെ കണക്കില്‍ ഉള്‍പെടുത്താന്‍ പരിശ്രമിക്കുമെന്നും യൂസഫലി പറഞ്ഞു.