കൊല്ലം: രാഹുല്‍ ഗാന്ധി നയിക്കുന്ന ഭാരത് ജോഡോ യാത്ര കൊല്ലം ജില്ലയില്‍. സംസ്ഥാനത്ത് യാത്രയുടെ നാലാം ദിനമാണിന്ന്.

നാവായിക്കുളം ജങ്ഷനില്‍ നിന്നാണ് യാത്ര ആരംഭിക്കുന്നത്. ഉച്ചയ്ക്ക് ചാത്തന്നൂരില്‍ നിന്ന് പുനരാരംഭിക്കുന്ന പര്യടനം പള്ളിമുക്കില്‍ സമാപിക്കും. കൊല്ലം ജില്ലയില്‍ രണ്ട് ദിവസമാണ് പര്യടനം.

രാഹുല്‍ ഗാന്ധി വര്‍ക്കല ശിവഗിരി മഠത്തില്‍ സന്ദര്‍ശനം നടത്തി. പ്രതിപക്ഷ നേതാവ് വി.ഡി സതീശന്‍, എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍, രമേശ് ചെന്നിത്തല തുടങ്ങി നിരവധി നേതാക്കള്‍ രാഹുലിനൊപ്പമുണ്ടായിരുന്നു.

ഭാരത് ജോഡോ യാത്രയുടെ നാലാം ദിനമായ ഇന്ന് രാവിലെ ആറരയോടെയാണ് രാഹുല്‍ ശിവ?ഗിരി മഠത്തിലെത്തിയത്. രാഹുലിനെ ഷാള്‍ അണിയിച്ചാണ് ശിവഗിരിമഠം സന്യാസികള്‍ സ്വീകരിച്ചത്.