തലശേരി: മുസ്‌ലിം ലീഗ് കൂത്തുപറമ്പ് മണ്ഡലം നേതാക്കള്‍ സംസ്ഥാന കമ്മിറ്റിക്ക് രാജിക്കത്ത് നല്‍കി. മണ്ഡലം പ്രസിഡന്റ് പൊട്ടങ്കണ്ടി അബ്ദുല്ല, ജനറല്‍സെക്രട്ടറി പി.കെ ഷാഹുല്‍ ഹമീദ്, വൈസ് പ്രസിഡന്റുമാരായ പി.പി.എ സലാം, കാട്ടൂര്‍ മഹമൂദ്, സെക്രട്ടറിമാരായ ടി.കെ ഹനീഫ, ജില്ലാകമ്മിറ്റി അംഗം വി. നാസര്‍ എന്നിവരാണ് രാജിക്കത്ത് നല്‍കിയത്. മണ്ഡലം കമ്മിറ്റി അറിയാതെ പ്രാദേശിക പരിപാടികളില്‍ സംസ്ഥാന നേതാക്കള്‍ പങ്കെടുക്കുന്നതിനെതിരേ പരാതി ഉന്നയിച്ചിട്ടും നടപടിയില്ലാത്തതിനാലാണ് രാജിയെന്ന് നേതാക്കളുടെ രാജി കത്തില്‍ പറയുന്നു.