വാഷിങ്ടണ്‍: ലോകത്ത് പട്ടിണി കാരണം ഓരോ മിനുട്ടിലും 11 പേര്‍ മരിക്കുന്നുവെന്നു സന്നദ്ധ സംഘടനകളുടെ രാജ്യാന്തര കൂട്ടായ്മയായ ഓക്‌സ്ഫാം. 

കൊവിഡ് കാരണം ഓരോ മിനുട്ടിലും ലോകത്ത് ഏഴു പേരാണ് മരിക്കുന്നതെന്നും സംഘടന പുറത്തിറക്കിയ റിപ്പോര്‍ട്ടില്‍ പറയുന്നു. കൊവിഡ് മരണത്തേക്കാള്‍ പട്ടിണി മരണങ്ങള്‍ ലോകത്തു നടക്കുന്നുവെന്നാണ് സംഘടന ചൂണ്ടിക്കാട്ടുന്നത്.ലോകത്ത് നിലവില്‍ 155 ദശലക്ഷം ജനങ്ങള്‍ ഭക്ഷണത്തിനു പ്രയാസമനുഭവിക്കുന്നുണ്ടെന്നു റിപ്പോര്‍ട്ട് പുറത്തുവിട്ട് ഓക്‌സ്ഫാം അമേരിക്ക പ്രസിഡന്റ് അബി മാക്‌സ്മന്‍ പറഞ്ഞു.