ഡല്‍ഹിയില്‍ ആമസോണ്‍ മാനേജര്‍ വെടിയേറ്റ് മരിച്ചു

ന്യൂഡല്‍ഹി: ആമസോണില്‍ മാനേജരായി ജോലി ചെയ്യുന്ന യുവാവ് ഡല്‍ഹിയില്‍ വെടിയേറ്റ് മരിച്ചു. ഹര്‍പ്രീത് ഗില്‍ (36) ആണ് കൊല്ലപ്പെട്ടത്. ചൊവ്വാഴ്ച രാത്രി ഭജന്‍പുരയിലെ സുഭാഷ് വിഹാറിന് സമീപമായിരുന്നു സംഭവം. സുഹൃത്തിനൊപ്പം ബൈക്കില്‍ പോകുന്നതിനിടെ ഹര്‍പ്രീതിനു നേരെ അഞ്ചംഗ സംഘം വെടിയുതിര്‍ക്കുകയായിരുന്നെന്ന് പൊലിസ് പറഞ്ഞു.

വെടിയുണ്ടകളിലൊന്ന് ഹര്‍പ്രീതിന്റെ തലയില്‍ പതിക്കുകയും സംഭവസ്ഥലത്തു തന്നെ മരിക്കുകയും ചെയ്തു. സുഹൃത്ത് ഗോവിന്ദ് സിങ്ങിന്റെ വലത് ചെവിയില്‍ വെടിയേറ്റ് ചികിത്സയിലാണ്. ഒളിവില്‍ പോയ പ്രതികളെ തിരിച്ചറിയുന്നതിനായി പൊലിസ് പ്രദേശത്തെ സി.സി.ടി.വി ദൃശ്യങ്ങള്‍ പരിശോധിക്കുന്നുണ്ട്.