റിയാദ്: സഊദിയില്‍ മാസപ്പിറവി ദൃശ്യമാകാത്തതിനെ തുടര്‍ന്ന് അറഫാദിനം ജൂലൈ 19 നു തിങ്കളാഴ്ചയും സഊദിയില്‍ ബലിപെരുന്നാള്‍ 20ന് ചൊവ്വാഴ്ചയും ആയിരിക്കും. ഇതോടെ ഹജ്ജിനുള്ള അവസാന ഘട്ട ഒരുക്കങ്ങളിലേക്ക് തീര്‍ഥാടകരും അധികൃതരും കടന്നു.
ഹജ്ജ് ചടങ്ങുകള്‍ക്ക് ദുല്‍ഹിജ്ജ എട്ടിനാണു (ജൂലൈ 18) തുടക്കം കുറിക്കുക.
ദുല്‍ഹജ്ജ് ഏഴിന് വൈകീട്ടോടെ തന്നെ ഹാജിമാര്‍ മക്കയില്‍ നിന്നും നീങ്ങി തുടങ്ങും. ജൂലൈ 23 ന് (ദുല്‍ഹജ്ജ് 13) ചടങ്ങുകള്‍ അവസാനിക്കും.
ദുല്‍ഹിജ്ജ മാസപ്പിറവി ദര്‍ശിക്കാനും വിവരം നല്‍കാനും രാജ്യത്തെ മുഴുവന്‍ ആളുകളോടും സഊദി സുപ്രീം കോടതി നേരത്തെ നിര്‍ദേശം നല്‍കിയിരുന്നു.
ഇത്തവണ ഹജ്ജ് കര്‍മത്തില്‍ സഊദിക്കകത്തെ സ്വദേശികളും വിദേശികളും ഉള്‍പ്പെടെ 60,000 ആളുകളാണ് പങ്കെടുക്കുക.