കൊച്ചി: ഈ മാസം 30ന് നടത്താനിരുന്ന സ്വകാര്യ ബസ് പണിമുടക്ക് മാറ്റിവച്ചു. ഗതാഗത മന്ത്രി എ.കെ ശശീന്ദ്രനുമായി നടത്തിയ ചര്‍ച്ചയെത്തുടര്‍ന്നാണ് സമരം മാറ്റിവച്ചതെന്ന് പ്രൈവറ്റ് ബസ് ഓപ്പറേറ്റേര്‍സ് കോണ്‍ഫെഡറേഷന്‍ ചെയര്‍മാന്‍ ലോറന്‍സ് ബാബു അറിയിച്ചു.

റോഡ് നികുതിയിലെ വര്‍ധനയടക്കമുള്ള കാര്യങ്ങള്‍ക്കെതിരെയാണ് ബസുടമകള്‍ സമരം പ്രഖ്യാപിച്ചത്. ഇക്കാര്യത്തില്‍ മുഖ്യമന്ത്രിയുടെ സാന്നിദ്ധ്യത്തില്‍ ചര്‍ച്ചയാവാമെന്ന് മന്ത്രി ഉറപ്പുനല്‍കിയതായി ലോറന്‍സ് ബാബു അറിയിച്ചു.