മനാമ: സമസ്ത കേരള സുന്നീ ജമാഅത്ത് ബഹ്‌റൈന്‍ കേന്ദ്ര കമ്മറ്റിയുടെ നേതൃത്വത്തിലുള്ള ഈ വര്‍ഷത്തെ ഹജ്ജ് സംഘം സെപ്തംബര്‍ ഒന്നിന് മനാമയില്‍ നിന്നു യാത്ര തിരിക്കും. ഹജ്ജ് സംഘത്തിനുള്ള യാത്രയപ്പ് ശനിയാഴ്ച രാത്രി 8.30ന് മനാമ ഗോള്‍ഡ് സിറ്റിയിലെ സമസ്ത ഓഡിറ്റോറിയത്തില്‍വച്ചു നടക്കും.

ചടങ്ങ് ശൈഖ് അഹ്മദ് അല്‍ഖയ്യാത് ഉദ്ഘാടനം ചെയ്യും. സൈദലവി മുസ്‌ലിയാര്‍ അത്തിപ്പറ്റ അധ്യക്ഷത വഹിക്കും, എസ്.എം അബ്ദുല്‍ വാഹിദ്, വി.കെ കുഞ്ഞി മുഹമ്മദ് ഹാജി, മുഹമ്മദ് മുസ്‌ലിയാര്‍ എടവണ്ണപ്പാറ, സലീം ഫൈസി പന്തിരിക്കര, സൈദ് മുഹമ്മദ് വഹബി, ഖാസിം റഹ്മാനി തുടങ്ങിയവര്‍ സംബന്ധിക്കും. സമസ്ത ബഹ്‌റൈന്‍ കേന്ദ്ര ഏരിയാ പ്രതിനിധികളും റൈഞ്ച് ജംഇയ്യത്തുല്‍ മുഅല്ലിമീന്‍, എസ്.കെ.എസ്.എസ്.എഫ് ഭാരവാഹികളും സംബന്ധിക്കും.

സെപ്തബര്‍ ഒന്നിന് മനാമയില്‍ നിന്നു യാത്ര തിരിക്കുന്ന സംഘം ആദ്യമായി മദീന സന്ദര്‍ശിക്കും. തുടര്‍ന്ന് മക്കയിലെത്തും. ഹാഫിള് ശറഫുദ്ദീന്‍ മുസ്‌ലിയാരാണ് യാത്രയുടെ അമീര്‍. കൂടുതല്‍ വിവരങ്ങള്‍ക്ക് +97317227975.