കയ്പമംഗലം: ചെന്ത്രാപ്പിന്നി കണ്ണംപുള്ളിപ്പുറത്ത് നിന്ന് 15 അടി നീളമുള്ള മലമ്പാമ്പിനെ പിടികൂടി. കണ്ണംപുള്ളിപ്പുറം വായനശാലക്ക് വടക്ക് ഇത്തള്‍തോട്ടില്‍ നിന്നുമാണ് പാമ്പിനെ പിടികൂടിയത്.
മീന്‍ പിടിക്കാന്‍ വച്ചിരുന്ന കുരുത്തിയില്‍ കുടുങ്ങിയ നിലയിലാണ് പാമ്പിനെ കണ്ടെത്തിയത്. കുരുത്തിയില്‍ ഉണ്ടായിരുന്ന മീനിനെയും ആമകളെയും വിഴുങ്ങിയ നിലയിലായിരുന്നു. പിന്നീട് പരിസ്ഥിതി പ്രവര്‍ത്തകന്‍ ഫിലിപ്പ് കൊറ്റനെല്ലൂരെത്തി പാമ്പിനെ പിടികൂടുകയായിരുന്നു. സംഭവമറിഞ്ഞ് നിരവധി നാട്ടുകാര്‍ മലമ്പാമ്പിനെ കാണാന്‍ എത്തിയിരുന്നു. പാമ്പിനെ പിന്നീട് വനപാലകര്‍ക്ക് കൈമാറി.