കോഴിക്കോട്: നടന്‍ മമ്മൂട്ടി സ്വകാര്യ ആശുപത്രിയുടെ ചടങ്ങിനിടെ കൊവിഡ് പ്രോട്ടോക്കോള്‍ ലംഘിച്ചെന്നു പരാതി. സംഭവത്തില്‍ മമ്മൂട്ടിക്കും നടന്‍ രമേശ് പിഷാരടി, നിര്‍മാതാവ് ആന്റോ ജോസഫ്, ആശുപത്രി അധികൃതര്‍ക്കെതിരേയും പൊലിസ് കേസെടുത്തു. എപ്പിഡമിക് ഡിസീസസ് ആക്ട് പ്രകാരം എലത്തൂര്‍ പൊലിസാണ് കേസെടുത്തത്.
കഴിഞ്ഞ മൂന്നിനായിരുന്നു കോഴിക്കോട്ടെ സ്വകാര്യ ആശുപത്രിയില്‍ നടന്ന ചടങ്ങില്‍ മമ്മൂട്ടിയും താരങ്ങളും പങ്കെടുത്തത്. രണ്ടു വര്‍ഷം തടവോ പതിനായിരം രൂപ പിഴയോ ലഭിക്കുവുന്ന കുറ്റമാണ് ചുമത്തിയിരിക്കുന്നത്. നടന്മാര്‍ എത്തിയപ്പോള്‍ മുന്നൂറോളം പേര്‍ കൂടിയിരുന്നതായും ഇവര്‍ക്കും ഉടന്‍ നോട്ടിസ് അയക്കുമെന്നും പ്രിന്‍സിപ്പല്‍ എസ്.ഐ കെ.ആര്‍. രാജേഷ് കുമാര്‍ പറഞ്ഞു.