വെഞ്ഞാറമൂട്: ഗവ. യു.പി.എസ്സില്‍ നിര്‍മ്മിച്ച പാചകപ്പുരയുടെയും ഭക്ഷണപ്പുരയുടെയും ഉദ്ഘാടനം എ. സമ്പത്ത് എം.പി നിര്‍വഹിച്ചു.
എം.പിയുടെ ആസ്തിവികസനഫണ്ടിലെ 12 ലക്ഷം രൂപ മുടക്കിയാണ് പദ്ധതി നടപ്പാക്കിയത്. ഡി.കെ മുരളി എം.എല്‍.എ അധ്യക്ഷനായി. വാമനപുരം ബ്ലോക്ക് പ്രസിഡന്റ് കെ.പി ചന്ദ്രന്‍, ജില്ലാപഞ്ചായത്ത് അംഗം വൈ.വി ശോഭകുമാര്‍, ബ്ലോക്ക് വൈസ്പ്രസിഡന്റ് കെ.എസ് ഷീലകുമാരി, ബ്ലോക്ക് അംഗം എം.എസ് ഷാജി, ആറ്റിങ്ങല്‍ എ.ഇ.ഒ കെ. സുജാത, പ്രധാനാധ്യാപിക ഗീതകുമാരി എന്നിവര്‍ പങ്കെടുത്തു.