കട്ടപ്പന: കട്ടപ്പനയിലും കുമളിയിലുമായി നിരവധി മോഷണങ്ങള്‍ നടത്തിയ യുവാവിനെ  പൊലിസ് അറസ്റ്റ് ചെയ്തു. ചെങ്കര കന്നിക്കല്ല് സ്വദേശി സോബിനാണ് (27) പൊലിസ് പിടിയിലായത്.
ഇയാളെ പിടികൂടാന്‍ ശ്രമിച്ച ഉപ്പുതറ പൊലിസ് സ്റ്റേഷനിലെ സി.പി.ഒ മോഹനനെ ആക്രമിച്ച ശേഷം രക്ഷപെടാന്‍ ശ്രമിച്ചു. എന്നാല്‍ പൊലിസ് സംഘം ഇയാളെ കീഴ്‌പെടുത്തുകയായിരുന്നു.
കഴിഞ്ഞ ദിവസം കുമളി ടൗണിന് സമീപമുള്ള അഞ്ചു വീടുകളില്‍ നിന്നായി മൂന്നര പവന്റെ സ്വര്‍ണവും പണവും അപഹരിച്ച കേസിലാണ് ഇയാള്‍ പിടിയിലായത്. തുടര്‍ന്ന് നടത്തിയ ചോദ്യം ചെയ്യലില്‍ മുമ്പ് കട്ടപ്പനയിലെ സ്വകാര്യ ആശുപത്രിയില്‍ നിന്ന് 1,75000 രൂപ മോഷ്ടിച്ചതായി കണ്ടെത്തി. ടൗണിലെ തന്നെ തുണിക്കടയില്‍ നിന്ന് പണം അപഹരിച്ചതും ഇയാള്‍ തന്നെയാണെന്ന് പൊലിസ് പറഞ്ഞു. കട്ടപ്പന ഡി.വൈ.എസ്.പി രാജ്‌മോഹനന്റെ നിര്‍ദ്ദേശത്തെ തുടര്‍ന്ന് പീരുമേട് സി.ഐ. ഷിബു, കുമളി സി.ഐ. പ്രദീപ്, എസ്.ഐ ടി.ഡി. പ്രജീഷ്, സി.പി.ഒമാരായ വിജയകുമാര്‍, സുബൈര്‍, സജി എന്നിവരാണ് പ്രതിയെ പിടികൂടിയത്.