കോഴിക്കോട്: പി.എസ്.സി നോട്ടിഫിക്കേഷന്‍പ്രകാരം സാങ്കേതിക തസ്തികകളില്‍ പരീക്ഷ എഴുതി  നിയമനം കാത്തിരിക്കുന്ന ഉദ്യോഗാര്‍ഥികളുടെ ധര്‍ണ 29ന് രാവിലെ ഒന്‍പതിന് തിരുവനന്തപുരം പട്ടം കെ.പി.എസ്.സി ഓഫിസിനു മുന്‍പില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. സാങ്കേതിക തസ്തികയിലേക്ക് ഉദ്യോഗാര്‍ഥികളെ നിയമിക്കുന്നതില്‍ പി.എസ്.സി കാണിക്കുന്ന അനാസ്ഥക്കെതിരേയാണ് ധര്‍ണ സംഘടിപ്പിച്ചിരിക്കുന്നത്. പി.ഡബ്ല്യു.ഡി, ഇറിഗേഷന്‍, ഗ്രൗണ്ട് വാട്ടര്‍ എന്നീ വകുപ്പുകളിലേക്കുള്ള ഓവര്‍സിയര്‍ തസ്തികകളിലേക്കുള്ള നിയമനങ്ങള്‍ 2010നുശേഷം നടന്നിട്ടില്ല.
വാര്‍ത്താസമ്മേളനത്തില്‍  റാങ്ക് ഹോള്‍ഡേഴ്‌സ്  അസോസിയേഷന്‍ പ്രസിഡന്റ് ഇന്ദു എം, സെക്രട്ടറി മനോജ് എ, അഹമ്മദ് കുട്ടി, അനൂപ്, സിജു എന്നിവര്‍ പങ്കെടുത്തു.