കാസര്‍കോട്: ഐ.എന്‍.എല്‍ കാസര്‍കോട് ജില്ലാ കമ്മിറ്റിയില്‍ നേതാക്കള്‍ക്കെതിരെ കൂട്ടനടപടി. ജില്ലാതല മെമ്പര്‍ഷിപ്പ് വിതരണ ചടങ്ങില്‍ പ്രതിഷേധിച്ചവര്‍ക്കെതിരെ ആണ് നടപടി. ജില്ലാ ഭാരവാഹികളായ ഇക്ബാല്‍ മാളിക, റിയാസ് അമലടുക്കം, അമീര്‍ കോടി ഉള്‍പ്പെടെയുള്ളവരെയാണ് ഭാരവാഹിത്വത്തില്‍ നിന്നും നീക്കി.

ഐ.എന്‍.എല്ലില്‍ ജനാധിപത്യപരമായ ചര്‍ച്ചകള്‍ക്ക് അവസരം നല്‍കുന്നില്ലെന്ന് പറഞ്ഞാണ് ഈ നേതാക്കള്‍ പ്രതിഷേധിച്ചത്. തുടര്‍ന്ന് നടത്തിയ വാര്‍ത്താമ്മേളനത്തില്‍ ഐഎന്‍എല്ലിനെ രക്ഷിക്കാനാണ് ശ്രമമെന്നും തങ്ങള്‍ ഇരുപക്ഷത്തുമില്ലെന്നും വിശദീകരിക്കുകയും ചെയ്തിരുന്നു.

പിന്നാലെയാണ് നേതാക്കള്‍ക്കെതിരെ നടപടിയുണ്ടായത്. ഇവരുടെ പ്രാഥമിക അംഗത്വം റദ്ദാക്കണമെന്ന് മേല്‍ഘടകത്തോട് ശിപാര്‍ശ ചെയ്തു.