മരണം 215

തിരുവനന്തപുരം: സംസ്ഥാനത്ത് പ്രതിദിന കൊവിഡ് ബാധിതരുടെ എണ്ണം കുതിച്ചുയരുന്നു. ഇന്നലെ 31,445 പേര്‍ക്കാണ് രോഗം സ്ഥിരീകരിച്ചത്. ടെസ്റ്റ് പോസിറ്റീവിറ്റി നിരക്ക് 19.03 ആയി ഉയരുകയും ചെയ്തു.

 

1,65,273 സാംപിളുകളാണ് പരിശോധിച്ചത്. എറണാകുളത്താണ് ഏറ്റവും കൂടുതല്‍പേര്‍ക്ക് രോഗം സ്ഥിരീകരിച്ചത് (4,048). തൃശൂര്‍- 3,865, കോഴിക്കോട്- 3,680, മലപ്പുറം- 3,502, പാലക്കാട്- 2,562, കൊല്ലം- 2,479, കോട്ടയം- 2,050, കണ്ണൂര്‍- 1,930, ആലപ്പുഴ- 1,874, തിരുവനന്തപുരം- 1,700, ഇടുക്കി- 1,166, പത്തനംതിട്ട- 1,008, വയനാട്- 962, കാസര്‍കോട്- 619 എന്നിങ്ങനെയാണ് മറ്റ് ജില്ലകളിലെ കണക്ക്. 215 മരണങ്ങളാണ് കൊവിഡ് മൂലമാണെന്ന് ഇന്നലെ സ്ഥിരീകരിച്ചത്. ഇതോടെ ആകെ മരണം 19,972 ആയി. 123 ആരോഗ്യപ്രവര്‍ത്തകര്‍ക്കാണ് രോഗം ബാധിച്ചത്. അതിനിടെ, രോഗം സ്ഥിരീകരിച്ച് ചികിത്സയിലായിരുന്ന 20,271 പേര്‍ രോഗമുക്തി നേടി.