കോട്ടയം: കോട്ടയത്ത് വ്യാപാര സ്ഥാപനത്തില്‍ വന്‍ തീപിടുത്തം. സംഭവ സമയം ഇവിടെയുണ്ടായിരുന്ന ഇതരസംസ്ഥാന തൊഴിലാളികള്‍ തലനാരിഴയ്ക്കാണ് രക്ഷപെട്ടത്. തിരുനക്കര ക്ഷേത്രത്തിനു സമീത്തുള്ള അന്നപൂര്‍ണ ബ്രാസ് ഹൗസാണ് അഗ്‌നിക്കിരയായത്. ഇന്നലെ പുലര്‍ച്ചെ ഒന്നോടെയായിരുന്നു സംഭവം. തീപിടുത്തമുണ്ടായപ്പോള്‍ പത്തോളം അന്യസംസ്ഥാന തൊഴിലാളികള്‍ കെട്ടിടത്തിനുള്ളിലുണ്ടായിരുന്നു. തീ ആളിക്കത്തുമ്പോള്‍ ഇവര്‍ പുറത്തിറങ്ങാന്‍ ഭയന്ന് കെട്ടിടത്തിനുള്ളില്‍ ഇരിക്കുകയായിരുന്നു.
അഗ്‌നിശമന സേനയെത്തിയാണ് തൊഴിലാളികളെ പുറത്തെത്തിച്ചത്. എന്നാല്‍ ആര്‍ക്കും സാരമായ പരിക്കേറ്റിട്ടില്ല. തീപിടിത്തത്തില്‍ കെട്ടിടം പൂര്‍ണമായും കത്തിനശിച്ചു. സ്ഥാപനത്തിന്റെ ഉള്ളിലുണ്ടായിരുന്ന വസ്തുവകകളും കത്തിനശിച്ചു.
അഗ്‌നിശമന സേനയുടെ പത്തിലേറെ യൂനിറ്റുകളെത്തിയാണ് തീ നിയന്ത്രണ വിധേയമാക്കിയത്. പൂലര്‍ച്ചെ അഞ്ചിനും പൂര്‍ണമായും തീയണയ്ക്കാനായിരുന്നില്ല.