തിരുവനന്തപുരം: കോണ്‍ഗ്രസില്‍ നിന്നും രാജിവെച്ച എ.വി ഗോപി നാഥ് നിലപാട് മയപെടുത്തുന്നു. തുടര്‍ചര്‍ച്ചക്കുള്ള സാധ്യതകള്‍ നിഷേധിക്കുന്നില്ലെന്നും കോണ്‍ഗ്രസിനെതിരായ പ്രചാരണത്തിന് താനില്ലെന്നും ഗോപിനാഥ് ചാനലുകളോട് പ്രതികരിച്ചു. കെ.പി.സി.സി പ്രസിഡന്റ് കെ.സുധാകരന്‍ ചര്‍ച്ചക്ക് ക്ഷണിച്ചാല്‍ താന്‍ അതിന് തയ്യാറാണെന്നും ഗോപി നാഥ് കൂട്ടിച്ചേര്‍ത്തു. ക.

സുധാകരന്‍ താന്‍ മനസില്‍ പ്രതിഷ്ഠിച്ച നേതാവാണെന്നും അദ്ദേഹം ക്ഷണിച്ചാല്‍ എവിടെയും ചര്‍ച്ചക്ക് തയ്യറാണെന്നുമായിരുന്നു ഗോപിനാഥിന്റെ പ്രതികരണം. കോണ്‍ഗ്രസിനായി വാതില്‍ തുറന്നിട്ടിരിക്കുകയാണെന്നു പറഞ്ഞ ഗോപിനാഥ് തുടര്‍ ചര്‍ച്ചകള്‍ക്കുള്ള സാധ്യത നിഷേധിക്കുന്നില്ലെന്നും വ്യക്തമാക്കി. നെഹ്‌റുകുടുംബം രാജ്യത്തിന്റെ പ്രധാനമന്ത്രിയാകണമെന്ന് ആഗ്രഹിക്കുന്നയാളാണ് താനെന്നും അദ്ദേഹം പറഞ്ഞു.

കോണ്‍ഗ്രസിന്റെ ഒരു സ്ഥാനവും തനിക്ക് ആവശ്യമില്ലെന്ന് പ്രഖ്യാപിച്ചാണ് എ.വി ഗോപിനാഥ് രാജിവെച്ചത്. ഡിസിസി അധ്യക്ഷ പട്ടിക പുറത്ത് വന്നതിന് പിന്നാലെയാണ് പതിറ്റാണ്ടുകളായി പാലക്കാട്ടെ കോണ്‍ഗ്രസിന്റെ പ്രമുഖ നേതാവായ എ.വി.ഗോപിനാഥ് പാര്‍ട്ടി വിടുകയാണെന്ന് അറിയിച്ചത്. പാലക്കാട് പെരിങ്ങോട്ടുക്കുറിശ്ശിയിലെ വീട്ടില്‍ വച്ചു നടത്തിയ വാര്‍ത്താസമ്മേളനത്തിലായിരുന്നു ഗോപിനാഥിന്‍രെ രാജി പ്രഖ്യാപനം. പിന്നാലെ ഗോപിനാഥിന്റെ തീരുമാനം സ്വാഗതം ചെയ്ത് സി.പി.എമ്മും രംഗത്തെത്തിയിരുന്നു.