കുറ്റ്യാടി: കഥാകാരന്‍ അക്ബര്‍ കക്കട്ടിലിന്റെ തിരഞ്ഞെടുത്ത കഥകളുടെ ഇംഗ്ലീഷ് പതിപ്പ് പുറത്തിറങ്ങുന്നു. ആദ്യമായാണ് അദ്ദേഹത്തിന്റെ രചനകള്‍ ഇംഗ്ലീഷിലേക്കു വിവര്‍ത്തനം ചെയ്യുന്നത്. 'സെലക്റ്റഡ് സ്റ്റോറീസ് ഓഫ് അക്ബര്‍ കക്കട്ടില്‍' എന്ന പേരിലാണു വിവര്‍ത്തനം പ്രസിദ്ധീകരിക്കുന്നത്.
അക്ബര്‍ കക്കട്ടില്‍ വിടപറഞ്ഞ് ആറു മാസത്തിനകമാണ് അദ്ദേഹത്തിന്റെ കഥകളുടെ ഇംഗ്ലീഷ് പതിപ്പ് പുറത്തിറങ്ങുന്നത്. പി.എ നൗഷാദ്, അരുണ്‍ലാല്‍ മൊകേരി, നവാസ് മൂന്നാംകൈ എന്നിവരാണ് ഈ ഉദ്യമത്തിനു പിന്നില്‍. ലൂമിനസ് പബ്ലിക്കേഷന്‍സ് പ്രസിദ്ധീകരിക്കുന്ന പുസ്തകം സെപ്റ്റംബര്‍ 18ന് കോഴിക്കോട് അളകാപുരി ഓഡിറ്റോറിയത്തില്‍ പ്രകാശനം ചെയ്യും.