ബെയ്ജിങ്: ചൈനയിലെ ഹെനാന്‍ പ്രവശ്യയിലെ ഫാക്ടറിയില്‍ തീപിടുത്തം. 38 പേര്‍ മരിച്ചതായി റിപ്പോര്‍ട്ട്. പരിക്കുകളോടെ രക്ഷപ്പെട്ട രണ്ടുപേരെ ആശുപത്രിയില്‍ പ്രവേശിപ്പിച്ചു. ഇന്നലെ ഉച്ചയോടുകൂടിയാണ് അപകടമുണ്ടായത്.

രാത്രി പതിനൊന്ന് മണിയോടെ തീ പൂര്‍ണമായും അണച്ചെന്ന് അധികൃതര്‍ വ്യക്തമാക്കിയതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.

സെപ്തംബറില്‍ ചൈനീസ് നഗരമായ ചാങ്ഷയിലെ കെട്ടിടത്തില്‍ വന്‍ തീപിടുത്തമുണ്ടായിരുന്നു. കൂടാതെ ജൂണില്‍ ഷാങ്ഹായിലെ കെമിക്കല്‍ പ്ലാന്റിലുണ്ടായ സ്‌ഫോടനത്തില്‍ ഒരാള്‍ കൊല്ലപ്പെടുകയും മറ്റൊരാള്‍ക്ക് പരിക്കേല്‍ക്കുകയും ചെയ്തിരുന്നു. നാല് വര്‍ഷം മുമ്പ് ടിയാന്‍ജിനിലെ ഒരു കെമിക്കല്‍ വെയര്‍ഹൗസിലുണ്ടായ സ്‌ഫോടനത്തില്‍ 165 പേര്‍ മരിച്ചിരുന്നു. ചൈനയിലുണ്ടായ ഏറ്റവും വലിയ വ്യാവസായിക ദുരന്തങ്ങളില്‍ ഒന്നായിരുന്നു അത്.