കണ്ണൂര്‍ സിറ്റി: ജില്ലാ ആശുപത്രിയുടെ ശോച്യാവസ്ഥയില്‍ പ്രതിഷേധിച്ച് കണ്ണൂര്‍ മണ്ഡലം യു.ഡി.എഫിന്റെ നേതൃത്വത്തില്‍ ജില്ലാ ആശുപത്രി സൂപ്രണ്ട് ഡോ. പി പ്രീതയെ ഉപരോധിച്ചു. യു.ഡി.എഫ് നേതാക്കളെയും പ്രവര്‍ത്തകരെയും സുപ്രണ്ടിന്റെ മുറിക്കു പുറത്ത് പൊലിസ് തടഞ്ഞത് ബഹളത്തിനിടയാക്കി. ആശുപത്രിയുടെ ശോച്യാവസ്ഥക്ക് ഉടന്‍ പരിഹാരമുണ്ടാവുമെന്ന് സൂപ്രണ്ട് അറിയിച്ചതോടെയാണ് നേതാക്കളും പ്രവര്‍ത്തകരും പിരിഞ്ഞുപോയത്. ഉപരോധത്തിന് നേതാക്കളായ സുരേഷ് ബാബു എളയാവൂര്‍, റൈജു ജെയ്‌സണ്‍, പി.എ ഹരി, സി എറമുള്ളാന്‍, കെ.പി പ്രശാന്തന്‍ എന്നിവര്‍ നേതൃത്വം നല്‍കി.