ഖത്തര്‍: ബ്രസീലിയന്‍ താരം നെയ്മര്‍ അടുത്ത മല്‍സരത്തിനുണ്ടാകില്ല. സെര്‍ബിയക്കെതിരായ മല്‍സരത്തിനിടെ പരുക്കേറ്റതാണ് കാരണം. തിങ്കളാഴ്ച സ്വിറ്റ്‌സര്‍ലന്‍ഡിനെതിരെയാണ് അടുത്ത മല്‍സരം. നീരുവച്ച കണങ്കാലുമായാണ് കഴിഞ്ഞ ദിവസം നെയ്മര്‍ മൈതാനം വിട്ടത്.രണ്ടാം പകുതില്‍ ലീഡെടുത്ത ശേഷമാണ് നെയ്മര്‍ പരുക്കേറ്റ് വീണത്.

സെര്‍ബിയയുടെ നിക്കോള മിലെന്‍കോവിച്ചിന്റെ കഠിനമായ ടാക്ലിങിലാണ് പരുക്കേറ്റത്. ലുസൈല്‍ സ്റ്റേഡിയത്തില്‍ നടന്ന മല്‍സരത്തില്‍ ടോട്ടന്‍ഹാം ഹോട്‌സ്പര്‍ സ്‌ട്രൈക്കര്‍ റിച്ചാര്‍ലിസണ്‍ നേടിയ വണ്ടര്‍ ഗോള്‍ മഞ്ഞപ്പടയുടെ ആരാധകര്‍ക്ക് ആഘോഷിക്കാന്‍ ധാരാളം വകനല്‍കിയെങ്കിലും നെയ്മറിന്റെ കണ്ണീര്‍ മടക്കം ആശങ്കയ്ക്ക് ഇടയാക്കിയിരിക്കുകയാണ്.