കയ്പമംഗലം: സംസ്ഥാന സര്‍ക്കാര്‍ ആവിഷ്‌കരിച്ച് നടപ്പിലാക്കുന്ന സ്‌കൂള്‍ വിദ്യാര്‍ഥികള്‍ക്കുള്ള പൗള്‍ട്രി ക്ലബ്ബിന്റെ ഉദ്ഘാടനവും മുട്ടക്കോഴി കുഞ്ഞുങ്ങളുടെ വിതരണവും കയ്പമംഗലം ഗവ. ഫിഷറീസ് ഹയര്‍സെക്കന്‍ഡറി സ്‌കൂളില്‍ നടത്തി.
സ്‌കൂളിലെ തെരഞ്ഞെടുത്ത അമ്പത് കുട്ടികള്‍ക്ക് അമ്പത് ദിവസം പ്രായമുള്ള അഞ്ച് മുട്ടക്കോഴികളും, കോഴിത്തീറ്റ, മരുന്ന് എന്നിവയും നല്‍കി. ഇന്നലെ രാവിലെ സ്‌കൂള്‍ അങ്കണത്തില്‍ നടന്ന ചടങ്ങില്‍ ഇ.ടി ടൈസന്‍ മാസ്റ്റര്‍ എം.എല്‍.എ വിതരണോദ്ഘാടനം നിര്‍വഹിച്ചു. കയ്പമംഗലം ഗ്രാമപഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ എന്‍.എസ് പ്രണവ് അധ്യക്ഷനായി. ബ്ലോക്ക് പഞ്ചായത്തംഗം സി.കെ ഗിരിജ, പഞ്ചായത്തംഗം പി.ടി രാമചന്ദ്രന്‍, എം.ഡി സന്തോഷ്, ഡോ. സില്‍വന്‍, പ്രധാന അധ്യാപിക കെ.എം അനിത, ഡോ. കെ.എസ് നീലകണ്ഠന്‍ എന്നിവര്‍ സംസാരിച്ചു.