പൂച്ചാക്കല്‍: രാത്രിയില്‍ വീടുകയറി ആക്രമിച്ച സംഘം ഏഴാം ക്ലാസ് വിദ്യാര്‍ത്ഥിനിയുടെ കൈയ്ക്ക് പരിക്കേല്‍പ്പിച്ചതായി പരാതി.മനോരോഗിയായ മാതാവിനും സംഭവത്തില്‍ പരിക്കേറ്റു.
തൈക്കാട്ടുശേരി പഞ്ചായത്ത് ഏഴാം വാര്‍ഡ് തേവര്‍വട്ടം ഗോകുലത്തില്‍ പി.അനില്‍കുമാറിന്റെ ഭാര്യ ഷൈലജ, മകള്‍ ആര്‍ഷ എന്നിവര്‍ക്കാണ് പരിക്കേറ്റത്.കഴിഞ്ഞ ദിവസം രാത്രി വീട്ടിലെത്തിയ നാലംഗ സംഘം അനില്‍ കുമാറിനെയും ഭാര്യയെയും ആക്രമിക്കുകയായിരുന്നു. ഇതുകണ്ട് ഓടിയെത്തിയ ആര്‍ഷയെ സമീപത്തുള്ള കാട്ടിലേക്ക് തള്ളിയിടുകയായിരുന്നു.
കുട്ടിയുടെ ഇടതു കൈയിലെ അസ്ഥിക്കു പൊട്ടലുണ്ട്.സംഭവവുമായി ബന്ധപ്പെട്ട് തേവര്‍വട്ടം സ്വദേശികളായ മനീഷ്, സജീവന്‍, അനീഷ്, മൂവാറ്റുപുഴ സ്വദേശി ഉണ്ണി എന്നിവര്‍ക്കെതിരെ കേസ് പൂച്ചാക്കല്‍ പൊലീസ് കേസെടുത്തിട്ടുണ്ട്.