ബംഗളൂരു: അനേക്കലില്‍ ജംഗിള്‍ സഫാരിയുടെ മറവില്‍ ലഹരി പാര്‍ട്ടി നടത്തിയ കേസില്‍ മലയാളി ഉള്‍പെടെ 11 പേര്‍ അറസ്റ്റില്‍.
ശനിയാഴ്ച രാത്രി സ്വകാര്യ റിസോര്‍ട്ടില്‍ നടത്തിയ പരിശോധനയിലാണ് പ്രതികളെ പിടികൂടിയത്. ജംഗിള്‍ സഫാരിയുടെ മറവില്‍ ഇവര്‍ കഞ്ചാവ്, കൊക്കെയ്ന്‍ തുടങ്ങിയ ലഹരി വസ്തുക്കള്‍ ഉപയോഗിച്ചിരുന്നതായി കണ്ടെത്തി.
വിവിധ സംസ്ഥാനങ്ങളില്‍നിന്നുള്ളവരാണ് പാര്‍ട്ടിയില്‍ പങ്കെടുത്തതെന്നും എല്ലാവരും ലഹരി ഉപയോഗിച്ചിരുന്നുവെന്നും കണ്ടെത്തി. റഷ്യയില്‍നിന്ന് മോഡലുകളെയും ഡി.ജെയെയും പാര്‍ട്ടിക്കായി കൊണ്ടുവന്നിരുന്നു.
പാര്‍ട്ടിക്ക് വന്നവരുടെ വാഹനങ്ങളും പൊലിസ് കസ്റ്റഡിയിലെടുത്തു. പലരും ഓടി രക്ഷപ്പെടാന്‍ ശ്രമിച്ചു.
ഇവരില്‍നിന്ന് വലിയ അളവില്‍ ലഹരി വസ്തുക്കള്‍ പിടികൂടിയിട്ടുണ്ട്. പ്രതികളുടെ പേരു വിവരം പൊലിസ് പുറത്തുവിട്ടിട്ടില്ല.