A native and two expatriates were arrested for illegal fishing in Kuwait

കുവൈത്ത്‌ സിറ്റി: നിരോധിത അൽ-ഹൈഷാൻ മറൈൻ മേഖലയിൽ അനധികൃത മത്സ്യബന്ധനത്തിൽ ഏർപ്പെട്ട ഒരു കുവൈത്തി പൗരനെയും രണ്ട് പ്രവാസികളും ഉൾപ്പെടെ മൂന്ന് പേരെ ആഭ്യന്തര മന്ത്രാലയം പിടികൂടി. മത്സ്യബന്ധനം നടത്തുന്നതുമായി ബന്ധപ്പെട്ട് ഓപ്പറേഷൻസ് റൂമിന് വിവരം ലഭിച്ചതിനെ തുടർന്നാണ് കോസ്റ്റ് ഗാർഡ് ഉദ്യോഗസ്ഥർ ഉടനടി മേഖലയിലെത്തി പരിശോധന നടത്തിയത്. സ്ഥലത്ത് എത്തിയപ്പോൾ ഒരു കുവൈത്ത് പൗരനും രണ്ട് പ്രവാസികളും മത്സ്യബന്ധന ബോട്ടിൽ ഉണ്ടായിരുന്നതായി കണ്ടെത്തി..

പരിശോധനയിൽ മത്സ്യബന്ധന ഉപകരണങ്ങളും, മത്സ്യങ്ങളുടെ ശേഖരവും അധികൃതർ കണ്ടെത്തി. നിയന്ത്രണങ്ങൾ ലംഘിച്ചതിന് കുവൈത്ത് സ്വദേശിയെ എൻവയോൺമെന്റ് പബ്ലിക് അതോറിറ്റിയിലേക്ക് റഫർ ചെയ്ത് അന്വേഷണ നടപടികൾ ആരംഭിച്ചു. രണ്ട് പ്രവാസികളെ നാടുകടത്തൽ കേന്ദ്രത്തിലേക്ക് മാറ്റി. നിരോധിത മത്സ്യബന്ധന മേഖലകളുടെ സമഗ്രത സംരക്ഷിക്കുന്നതിനും നിയന്ത്രണങ്ങൾ നടപ്പിലാക്കുന്നതിനുമുള്ള പ്രതിബദ്ധതയ്ക്ക് അടിവരയിടുന്നതാണ് ഈ വേഗത്തിലുള്ളതും ദൃഢവുമായ നടപടിഎന്ന് അധികാരികൾ അറിയിച്ചു