പുഴക്കാട്ടിരി: പുഴക്കാട്ടിരി ഗ്രാമ പഞ്ചായത്ത് ഭരണ സമിതിയുടെ കുടിവെള്ള വിതരണ പദ്ധതിയിലെ അഴിമതി അന്വേഷിക്കണമെന്നും, വിവിധ പൊതു ആവശ്യങ്ങളും ഉന്നയിച്ച് യു.ഡി.എഫ് കമ്മിറ്റി പുഴക്കാട്ടിരി പഞ്ചായത്ത് ഓഫിസിലേക്കു മാര്‍ച്ചും ബഹുജന ധര്‍ണയും നടത്തി. മുസ്‌ലിം ലീഗ് മങ്കട മണ്ഡലം ജനറല്‍ സെക്രട്ടറി ഉമ്മര്‍ അറക്കല്‍ ഉദ്ഘാടനം ചെയ്തു. യു.ഡി.എഫ് ചെയര്‍മാന്‍ എം.ചോഴിക്കുട്ടി അധ്യക്ഷനായി. അനീസ് അങ്ങാടിപ്പുറം മുഖ്യ പ്രഭാഷണം നടത്തി. എം അബ്ദുല്ല മാസ്റ്റര്‍, മുട്ടത്തില്‍ സൈനുദ്ദീന്‍, എം.പി ശശിമേനോന്‍, ടി.ഷാഹുല്‍ ഹമീദ്, തായാട്ട് മന്‍സൂര്‍ അലി, കരുവാടി കുഞ്ഞാപ്പ, ടി.ഷാഹുല്‍ ഹമീദ്, കരുവാടി മുഹമ്മദ്, കെ കുഞ്ഞി മുഹമ്മദ്, കെ.പി മുസ്തഫ, ഉമ്മര്‍ ചൂരിപ്പുറത്ത് എന്നിവര്‍ നേതൃത്വം നല്‍കി.