വേങ്ങര: ഇരിങ്ങല്ലൂര്‍ പാലാണിയില്‍ ഹരിത ചാരിറ്റി സെല്ലിന്റെ ബോര്‍ഡ് വീണ്ടും നശിപ്പിച്ചു. അങ്ങാടിയോട് ചേര്‍ന്നു പലഭാഗങ്ങളിലും സ്ഥാപിച്ച ഒരു വിഭാഗത്തിന്റെ ഫ്‌ളക്‌സ് ബോര്‍ഡുകളും മറ്റും നിരന്തരം നശിപ്പിക്കുന്നതായി പരാതിയുണ്ട്. കഴിഞ്ഞ വര്‍ഷം പുതുക്കി സ്ഥാപിച്ച ഹരിത ചാരിറ്റി സെല്ലിന്റെ ബോര്‍ഡ് ഒരു മാസം മുന്‍പും നശിപ്പിക്കപ്പെട്ടിരുന്നു. പൊലിസില്‍ പരാതി നല്‍കിയിട്ടും നടപടി സ്വീകരിച്ചില്ലെന്നും ആക്ഷേപമുണ്ട്. പുതിയ സംഭവത്തില്‍ വേങ്ങര പൊലിസിനു പരാതി നല്‍കിയതായി ഭാരവാഹികള്‍ അറിയിച്ചു.