ദുബൈ: ദുബൈ കെഎംസിസി കോഴിക്കോട് ജില്ലാ കമ്മിറ്റി ആഭിമുഖ്യത്തില്‍ 
ജില്ലയിലെ യുഡിഎഫ് സ്ഥാനാര്‍ത്ഥികളുടെ വിജയത്തിനായി ദുബൈയില്‍ തെരഞ്ഞെടുപ്പ് പ്രചാരണ കണ്‍വെന്‍ഷന്‍ സംഘടിപ്പിച്ചു. മുസ്‌ലിം ലീഗ് കോഴിക്കോട് ജില്ലാ പ്രസിഡന്റ് എം.എ റസാഖ് മാസ്റ്റര്‍ ഉദ്ഘാടനം ചെയ്തു. ജില്ലയിലെ യുഡിഎഫ് സ്ഥാനാര്‍ഥികളായ എം.കെ രാഘവന്‍, ഷാഫി പറമ്പില്‍, ലീഗ് കോഴിക്കോട് ജില്ലാ ജന.സെക്രട്ടറി ടി.ടി ഇസ്മായില്‍ എന്നിവര്‍ ഓണ്‍ലൈനില്‍ ചടങ്ങില്‍ അഭിവാദ്യമര്‍പ്പിച്ചു. ദുബൈ കെഎംസിസി ആക്റ്റിംഗ് പ്രസിഡന്റ് ഇബ്രാഹിം മുറിച്ചാണ്ടി, 'ഹലോ ഇന്‍ഡ്യ' കാമ്പയിന്‍ ഉദ്ഘാടനം ചെയ്തു. ജില്ലാ കെഎംസിസി പ്രസിഡന്റ് കെ.പി മുഹമ്മദ് അധ്യക്ഷത വഹിച്ചു. സംസ്ഥാന സീനിയര്‍ സെക്രട്ടറി അഡ്വ. സാജിദ്, ബി.എ നാസര്‍, ഇസ്മായില്‍ ഏറാമല, ചാക്കോ ഊളക്കാടന്‍ ആശംസ നേര്‍ന്നു. ജില്ലാ ജന.സെക്രട്ടറി സയ്യിദ് ജലീല്‍ മഷ്ഹൂര്‍ തങ്ങള്‍ സ്വാഗതവും സെക്രട്ടറി ജസീല്‍ കായണ്ണ നന്ദിയും പറഞ്ഞു. ജില്ലാ ഭാരവാഹികളായ നജീബ് തച്ചംപൊയില്‍, തെക്കയില്‍ മുഹമ്മദ്, ടി.എന്‍ അഷ്‌റഫ്, മൊയ്തു അരൂര്‍, മജീദ് കൂനഞ്ചേരി, വി.കെ.കെ റിയാസ്, മൂസ കൊയമ്പ്രം, ഷംസു മാത്തോട്ടം, സിദ്ദീഖ് യു.പി, സറീജ് ചീക്കിലോട്, ഗഫൂര്‍ പാലോളി നേതൃത്വം നല്‍കി. ജില്ലാ കെഎംസിസി  നേതൃത്വത്തില്‍ ഇലക്ഷനില്‍ പങ്കെടുക്കാന്‍ നാട്ടിലേക്ക് പോകുന്നവര്‍ക്ക് ചടങ്ങില്‍ യാത്രയയപ്പ് നല്‍കി.