പത്തനംതിട്ട: തിരുവല്ലയില്‍ യുവതിക്ക് നേരെ മധ്യപന്റെ ആക്രമണം. തിരുവല്ല സ്വദേശി ജോജോ് ഇരുചക്രവാഹനത്തില്‍ വരികയായിരുന്ന യുവതിയെ ഇയാള്‍ തടഞ്ഞു നിര്‍ത്തി വലിച്ചു താഴെയിടുകയായിരുന്നു. പൊലീസ് സ്റ്റേഷനില്‍ എത്തി ബഹളം വച്ച ശേഷമാണ് ഇയാള്‍ റോഡില്‍ ഇറങ്ങി യുവതിക്ക് നേരെ ആക്രമണം നടത്തിയത്. പരുക്കേറ്റ 25 കാരിയെ തിരുവല്ല താലൂക്ക് ആശുപത്രിയില്‍ പ്രവേശിപ്പിച്ചു. 

മദ്യപിച്ച് ബൈക്കില്‍ പൊലീസ് സ്റ്റേഷനിലെത്തിയ ജോജോ ബഹളം വെച്ചതിനെ തുടര്‍ന്ന് ബൈക്ക് വാങ്ങിവെച്ച് പൊലീസുകാര്‍ മടക്കി അയച്ചു. തുടര്‍ന്ന് തിരുവല്ല നഗരത്തിലെ പ്രധാന റോഡിലേക്കെത്തിയ ഇയാള്‍ ഇരുചക്രവാഹനത്തിലെത്തിയ പെണ്‍കുട്ടിയെ കാണുകയും അവരെ വലിച്ചു താഴെയിടുകയുമാണുണ്ടായത്. ഇയാള്‍ സ്ഥിരം മദ്യപിച്ച് പ്രശ്‌നമുണ്ടാക്കുന്നയാളെന്ന് പൊലീസ് വ്യക്തമാക്കി.അതേ സമയം പ്രതി ജോജോയെ പൊലീസ് വാഹനത്തില്‍ വെച്ച് യുവതിയുടെ ബന്ധുക്കള്‍ കൈയ്യേറ്റം ചെയ്തു.