ഒമാനിലെ സലാലയിൽ കഴിഞ്ഞദിവസം നടന്ന വാഹനാപകടത്തിൽ മലപ്പുറം സ്വദേശി മരിച്ചു. മലപ്പുറം പാണ്ടിക്കാട് വെള്ളുവങ്ങാട് സ്വദേശി വടക്കേങ്ങര മുഹമ്മദ് റാഫി (35)യാണ് മരിച്ചത്. ജോലി ചെയ്യുന്നതിനിടെയാണ് വാഹനാപകടം ഉണ്ടായത്.

കടയിൽ നിന്നും വണ്ടിയിൽ സാധനം ഡെലിവറി ചെയ്യാനായി പോകുമ്പോൾ മറ്റൊരു വാഹനം വന്നിടിക്കുകയായിരുന്നു. ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല 
പിതാവ്: അലവിക്കുട്ടി, മാതാവ്: ജമീല ചക്കിപ്പറമ്പത്, ഭാര്യ: അനീസ തേവാരത്തൊടി, മക്കൾ: മുഹമ്മദ് സയാൻ, നൈറ ഫാത്തിമ.